Jañalıqtar Sport Suretter söyleydi
Elbası Olimpiya oyındarınıñ çempiondarı men jüldegerlerin marapattauğa arnalğan räsimge qatıstı-
– Bizdiñ sportşılarımızdıñ Olimpiadadağı medal'darı, joğarı sporttıq nätijeleri men jetistikteri Qazaqstan täuelsizdiginiñ aldağı 25 jıldığına layıqtı sıy bolıp sanaladı. Sizder bizdiñ elimizdiñ halıqaralıq sporttağı märtebesi biiktigin däleldep, jattıqtıruşılar men janküyerlerdiñ ğana emes, barşa qazaqstandıqtardıñ ümitin aqtadıñızdar, – dedi Nwrswltan Nazarbaev.
Qazaqstan Prezidenti ötken Olimpiadada bizdiñ qwramanıñ türli därejedegi 17 medal'di ielengenin atap ötti.
– Bwl – Qazaqstannıñ älemdik olimpiadalıq qozğalısqa qatısu tarihındağı basqa Olimpiya oyındarındağı jüldelerden äldeqayda köp. Resmi emes medal'dik esepte bizdiñ olimpiadalıq qwrama älemniñ 207 eliniñ sporttıq qwramaları işinde 22-orında twr. Barşamız Riodağı Olimpiada twğırında elimizdiñ änwranı 3 ret şırqalıp, tuımızdıñ 3 ret eñ biikte jelbiregenine maqtanamız. Osılayşa, boksşı Daniyar Eleusinov, suğa jüzuden el tarihındağı twñğış çempion – Dmitriy Balandin, auır atlet Nijat Rahimov erekşe jetistikterge jetip, Olimpiada jeñimpazı atandı. Olimpiadadağı tabıstıñ ortaq qorjınına 5 kümis jäne 9 qola medal' iegerleri mol olja saldı, – dedi Memleket basşısı.
Sonday-aq, Nwrswltan Nazarbaev Wlttıq qwramanıñ jattıqtıruşılar qwramına, olimpiadaşılardıñ otbasılarına jäne barşa qazaqstandıqtarğa sayısta qoldau bildirgeni üşin, al sportşılarğa – nağız bäsekede körsetken erik-jigeri men olimpiadalıq dañqqa wmtılısı üşin alğıs ayttı.
Qazaqstan Prezidenti Wlttıq qwramanıñ jetistikteri Rio-de-Janeyroda ötetin aldağı HV jazğı Paralimpiya oyındarına qatısatın sportşılarğa ruh beretinin aytıp, olarğa tabıs pen joğarı nätije tiledi.
Elbası Qazaqstannıñ 25 jıl belesinde älemdik olimpiadalıq qozğalısqa qatısqan atletterimizdiñ köptegen jarqın jeñisterge qol jetkizgenin ayttı.
– Qazaqstandıqtardıñ 2016 jılğı jeñip alğan marapattarın qosqanda elimizdiñ olimpiadalıq qazınasındağı medal' sanı 69-ğa jetti. Bizdiñ elimizde 1992 jıldan bergi jazğı jäne qısqı Olimpiya oyındarında jeñimpaz bolğan 19 olimpiada çempionı, 22 kümis jäne 28 qola medal' iegerleri bar. Bwl joğarı jetistikter – memlekettiñ twraqtı qamqorlığınıñ jäne sporttı damıtuğa jağday jasaudıñ nätijesi, – dedi Nwrswltan Nazarbaev.
Soñında Qazaqstan Prezidenti barşa qazaqstandıqtardı qol jetken jeñisterimizben qwttıqtap, älemdik sport biiginde jaña tabısqa jetulerine tilektestik bildirdi.
Söz söylegen Olimpiya oyındarınıñ jeñimpazdarı men jüldegerleri jäne is-şarağa qatısuşılar Memleket basşısına elimizdegi sport pen dene tärbiesin damıtu mäselelerine wdayı qoldau körsetip, köñil bölip otıratını üşin alğıs bildirdi.
Sonday-aq, Nwrswltan Nazarbaev räsim barısında olimpiada çempiondarı men jüldegerlerine memlekettik marapattar tapsırdı.
Pikir qaldıru