Qanış Sätbaevtıñ ğılım-bilim turalı aytqan oy oramdarı
Akademik Qanış Imantaywlı Sätpaev – qazaq halqı men Qazaqstan tarihındağı zor qwbılıs. Ol asa körnekti ğalım – geolog ğana emes, öz zamanınıñ äygili tabiğat zertteuşisi, jer qoynauınıñ jırşısı, älemdik örege köterilgen oyşıl twlğası. Bügin nazarlarıñızğa ğalımnıñ ğılım-bilim turalı aytqan oy oramdarın wsınamız.
***
Öz bilimin ömirdiñ, öndiristiñ täjirbielerimen nığaytıp, bayıtıp otıratın, tapqan ilimin ülkendi-kişili aşqan jañalığın halıqtıñ qajetine berip otıratın ğılım ğana öz därejesinde zaman talabınıñ öresinde boladı.
***
Ğılım maydanınıñ qatardağı jauıngeri tek ünemi oqu, izdenu, talpınu, tanu, ömir mektebinen ötu arqılı ğana onıñ iri qayratkeri därejesine deyin köteriledi.
***
Ğalımğa azıq berer qaynar közi kitap betimen, laboratoriya aumağımen ğana şektelmeydi, ömirdi tanumen, eñbek adamınıñ jasampaz isin tanumen keñ örisin tabadı.
***
Eñbek etpeseñ, jiğan bilimiñ kädege jaramay jatqan mineral sekildi. Onıñ işin arşıp, asıl kenin jarqıratu üşin eñbek kerek, qol men oy qimılı qajet.
***
…bilimiñdi eñbek pen ömirdiñ özinde şıñdap otır! Sonda ğana bilim dep atalatın asıl tas eşqaşan tot baspastan jaltıray da jarqıray beredi.
***
İsiñizge, eñbegiñizge, oquıñızğa nağız nağız adamgerşilikpen qarasañız, söz joq, jeñiske jetesizder.
***
Öz eliniñ qara tasın maqtan ete almağan, özge jerdiñ altının da maqtap jarıtpaq emes.
Massaget.kz
Pikir qaldıru