كۇلدىر – ءدۇلدىر ( جاڭا جىلدىق كەشكە ارنالعانازىل قالجىڭدار)
kerey.kz
جۇمات انەسۇلى
«ءالى بۇزىلماعان قازاعىم بار ەكەن» دەپ بارايىن»
ۇلكەن سارايدا كونتسەرت ءجۇرىپ جاتادى. انشىلەر وزبەك، قىرعىز، تاجىك، ءۇندىس، ورىس، اعىلشىن ىرعاعىندا ءان شىرقاپ جاتادى. وسى كەزدە ساحنا سىرتىندا (كۋليسانىڭ ارتى) ءبىر كەمپىر انشىلەر بوياناتىن ەسىكتەردىڭ ءبىرىن اشىپ، ءبىرىن جاۋىپ جۇرەدى. ونى كورگەن ءبىر جىگىت: “كىمدى ىزدەپ ءجۇرسىز؟” دەپ سۇرايدى. كەمپىر: “وسى انشىلەردىڭ ىشىندە قازاقى ءان ايتاتىن ادام بار ما ەكەن دەپ سونى ىزدەپ ءجۇرمىن” دەپتى. سول كەزدە قاتارداعى بوياناتىن ەسىكتەن شىققان ءبىر ءانشى قىز: ء“جۇرىڭىز، اپا، مەن قازىر قازاقى ءان ايتامىن” دەپ ۇلكەن كىسىنى قولتىعىنان الىپتى. سول كەزدە كەمپىر: ء“سويتشى، اينالايىن.سەنىڭ الدىڭداعىلاردىڭ ايعايىنان قۇلاعىم بىتەلىپ قالدى. ءبىر قۇرىشىمدى قاندىرىپ، قازاقي اندەر ايتشى. ۇيگە ءالى بۇزىلماعان قازاق بار ەكەن دەپ بارايىن” دەگەن ەكەن.
«جالاڭاش شوۋ كورسەتەدى»
اۋىل عوي. ءبىر ورتا جاستان اسقان ايەل كورشى ۇيگە كىرىپ، وزىمەن شامالاس، پەشتىڭ جانىندا وت جاعىپ جۇرگەن ايەلدىڭ جانىنا وتىرا كەتەدى.
-قۇداعي اۋ، ءبىزدىڭ ءۇيدىڭ تەلەۆيزورى تۇگىلى، راديوسى دا ىستەمەيدى. سەندەردىكى قۇدايدىڭ راحاتى، كۇنى ءتۇنى تەلەۆيزور قاراۋدان قولدارىڭ تيمەيدى- دەيدى.
-ويباي، ايتپا، اسىرەسە، بالالار مەن ءوزىڭنىڭ قۇرداسىڭ سول كوك جاشىكتەن كوز ايىرماي وتىرۋدى ادەت قىلدى. وسى ۇيدە تەك مەن عوي، ءۇيدىڭ شارۋاسىمەن جۇرەتىن.
-سونشا جابىساتىن، وسى كوك جاشىكتەرىڭ نە كورسەتەدى؟.
-نە كورسەتەدى دەيسىڭ. قاراساڭ، ادام جالىعادى. تاڭ سارىدەن كونتسەرت، سودان سوڭ شوۋ، ودان كەيىن كونتسەرت، سوسىن شوۋ، تۇستەن كەيىن انشىلەردىڭ وسەگىن، اسپانعا ۇشىپ كەتكەن “جۇلدىزداردىڭ” شوۋىن كورسەتەدى.
-ال، تۇندە نە كورسەتەدى؟.
-تۇندە مە؟ سول تۇنگە لايىق جالاڭاش شوۋ كورسەتەدى. تاياۋدا بار عوي، جالاڭاش دۇكەنگە كىرىپ تاماق العانداردى كورىپ تالىپ قالدىم.
-جالاڭاش كىرىپ، تەگىن تاماق العانى قالاي؟
-ويباي، ۇلكەن قالالاردىڭ بىرىندە جالاڭاش كىرگەندەرگە 5 مىڭ تەڭگەگە تەگىن تاماق بەرىپتى.
-وي، مىناۋىڭ جاقسى جاڭالىق قوي! وندايدى ءبىزدىڭ اۋداننىڭ دۇكەندەرى جاساماي ما ەكەن؟. ۇيدە شالدىڭ پەنسياسى دا، مەنىڭ بالالارعا الاتىن جاردەم اقىم دا ءبىتىپ، قازانىمىز تاقىرلاپ قالىپ ەدى- دەگەن ەكەن كورشى ۇيدەن كەلگەن ايەل.
«مەنىڭ حاتشىم سۇلۋ، ءارى اقىلدى»
قىمبات مەيرامحانادا ەكى ۇلكەن مەكەمەنىڭ ەكى باسشىسى تۇسكى تاماق ءىشىپ وتىر. ءبىرىنشىسى ەكىنشىسىنە:
-مەنىڭ حاتشى قىزىمدى كوردىڭ بە؟- دەپ سۇرايدى.
-كوردىم.
-قالاي، سۇلۋ ما؟
-ءيا، ادەمى ەكەن. ال، مەنىڭ حاتشىما نازار اۋدارساڭ، ول دا سونداي سۇلۋ، ءارى اقىلدى!
-اقىلدى؟ ! ول قانداي ماعىنادا؟
-وي، سەن قىزىق ەكەنسىڭ عوي! مەنىڭ ۇيدەگى ايەلىم تەكسەرىپ كۇندە جۇمىسىما كەلەدى. سوندا دا ول مەنىڭ حاتشى قىزبەن جۇرەتىنىمدى سەزبەيدى -دەپتى ەكىنشىسى.
جۇمات انەسۇلى
«مەن مەن ونىمەن جاتا المايمىن»
ءبىر ايەلدىڭ ەركە قىزى كۇيەۋگە شىعىپ، توي جاسايدى. توي ءبىتىپ، العاشقى ءتۇنى قىز بولمەسىنەن “ماما!”دەپ ايقايلاپ اتىپ شىعىپ، ماماسىنىڭ جاتقان بولمەسىنە جەتىپ كەلىپتى. “نە بولىپ قالدى؟” دەيدى ماماسى تاڭدانىپ، سوندا قىزى: “ماما، ونىڭ دەنەسىنىڭ ءبارىن ءجۇن باسىپ كەتكەن، ماعان جاقىنداسا بولدى، دەنەمدى قىشىتادى، مەن ونىمەن بىرگە جاتا المايمىن!” دەپتى.
«ءسوز ايتپاي كۇلدىرۋگە بولا ما»
جۇرت “قيقۋ تارتار” دەگەن كومەديانى كورىپ وتىر. الدىڭعى قاتاردا كومەديانىڭ رەجيسسەرى مەن تەاتر سىنشىسى وتىر. كومەديا ءجۇرىپ جاتىر، بىراق جۇرت كۇلمەيدى. سوسىن رەجيسسەر: “بۇل جۇرت نەگە كۇلمەيدى؟” دەگەندەي، سىنشىعى قايتا قايتا جالتاقتاپ قاراي بەرىپتى.ۇزاققا سوزىلعان كۇلمەستەردەن قاجىعان رەجيسسەر قاسىندا وتىرعان سىنشىعا قاراپ: “جۇرت نەگە كۇلمەيدى؟” دەپ سۇراپتى. وعان جاۋاپ رەتىندە تەاتر سىنشىسى: “قايدان كۇلسىن، كوميكتىڭ ورىندا تراگيك، تراگيكتىڭ ورنىندا كوميك ويناپ جۇرسە!” دەپتى. سوندا رەجيسسەر سىنشىدان: “وندا ەلدى ءسوز ايتپاي كۇلدىرۋگە بولا ما؟” دەپ سۇرايدى. وعان سىنشى: “بولادى! ول ءۇشىن چاپلين بولۋ كەرەك قوي!” دەگەن ەكەن.
«سىنشىلار بار بولسا، وسى وتىرعانداردى ءبارى نەگە كلاسسيك»
ءبىر توپ اقىن جازۋشىلار ءبىر جەردە باس قوسىپ قاپ، ىشىندەگى بىرەۋى: ” ءبىزدىڭ ادەبيەت قازىر “التىن عاسىرعا” ءوتتى. ولەڭ دەسەڭ ولەڭ، داستان دەسەڭ داستان، رومان، ەپوپەيا، تريلوگيا دەسەڭ دە ءبارى بار. سىنشىلاردىڭ كوپتىگى سونداي، اياق الىپ جۇرە المايسىڭ” دەپ شالقىپتى. سوندا سول جەردە وتىرعان ءبىر قيسىقتاۋ ادەبيەتشى: “بىزدە سىنشىلار بار بولسا، وسى وتىرعانداردىڭ ءبارى نەگە كلاسسيك؟” دەگەن ەكەن.
«ەكەۋمىز قوسىلعاننان بەرى مۇنىڭ كوزىنە ءبىر ءشوپ سالعان ەمەسپىن»
ءتىلشى “قارتتار” ۇيىندەگى 90- عا كەلگەن شال كەمپىردەن سۇحبات الۋعا كەلەدى.
-مەرەيلى تويلارىڭىزبەن قۇتتىقتايمىن! ء(تىلشى ەكەۋىنە گۇل تاپسىرادى). شال مەن كەمپىر:
-راحمەت!
-راحمەت!- دەيدى.
-ەكەۋىڭىزدىڭ وتباسىن قۇرعاندارىڭىزعا قانشا جىل بولدى؟
-جيىرما جىل.
-و و! كەرەمەت! وسىندا باقىتتى عۇمىر كەشىپ جاتىرسىزدار؟
-ءيا.
-ءيا.ءتىلشى سوسىن كەمپىردەن:
-ەكەۋلەرىڭىز قوسىلعانعا دەيىن باسقا وتباسىڭىز بولماپ پا ەدى؟
-بولعان. مەن بۇعان دەيىن بەس كۇيەۋگە تيگەنمىن. ال، وسى شالعا تيگەننەن كەيىن مۇنىڭ كوزىنە ءبىر ءشوپ سالىپ كورگەن ەمەسپىن!- دەگەن ەكەن.
جۇمات انەسۇلى، جازۋشى
kerey.kz
پىكىر قالدىرۋ