Bayden: Älem Resey basqınşılığına qarsı twruı tiis
Kievke qızmet babımen soñğı ret saparlap barğan AQŞ vice-prezidenti Djo Bayden halıqaralıq qauımdastıqtı Resey basqınşılığına qarsı twruğa, AQŞ-tıñ jaña prezidenti Donal'd Tramp äkimşiligin Ukrainağa berik qoldau körsetuge şaqırdı. Bayden Kievke AQŞ pen Ukraina arasında diplomatiyalıq baylanıstıñ ornağanına 25 jıl toluına oray saparlap otır.
Bayden AQŞ-tıñ Reseyge Qırımdı anneksiyalap alğanı üşin salğan sankciyaları Mäskeu 2015 jılı Minskide jasalğan beybit kelisim şarttarın tolıq orındamayınşa saqtaluı tiis ekenin ayttı. Ol Resey Minsk kelisimi boyınşa özine alğan mindetterin orındaudan bas tartıp jatqanda kelisim orındaladı deuge senudiñ qiın ekenin, biraq Ukraina birtwtas memleket retinde alğa jıljudan ümitti ekenin bildirdi.
Ukraina prezidenti Petr Poroşenkomen kezdesken Djo Bayden Ukraina zañ üstemdigin ornatu jäne korrupciyanı joyu turalı mindettemesine adal boluuı tiis ekenin ayttı. Ol ukraindıqtardı aşıqtıqqa jäne memleket qarjısın jeke basınıñ paydasına jımqırğan ükimet şeneunikterin tergep, jauapqa tartuğa şaqırdı.
Poroşenko Baydenge Ukrainanı wdayı qoldap kele jatqanı üşin, AQŞ-tıñ Reseyge qarsı sankciyalardı küşeytkeni üşin alğıs bildirdi.
Bayden vice-prezident qızmetinde Ukrainağa osımen altınşı ret saparlap otır. Ol Kievke saparınan soñ Şveycariyanıñ Davos qalasına düniejüzilik ekonomikalıq forumğa qatısuğa baradı.
Azat Europa / Azattıq radiosı
Pikir qaldıru