Bir dübir ketpey qoydı aspan jaqtan.
kerey.kz
Amanhan Älimwlı 1952 jılı 20 qañtarda Oñtüstik Qazaqstan oblısı, Otırar audanı, Qojatoğay auılında tuğan. 1969 jılı sol auıldağı Amangeldi atındağı orta mektepti bitirgen. 1975 jılı KazGU-diñ jurnalistika fakul'tetine oquğa tüsip, 1981 jılı bitiredi. Oqudı bitirgennen soñ, 1981-1989 jıldar aralığında respublikalıq BAQ «Qazaqstan pioneri» («Wlan») , «Leninşil jas» («Jas alaş»), «Qazaq ädebieti», «Türkistan» jäne «Qazaq radiosında» qızmet etti.
1991-1993 jıldar aralığında Mäskeudegi M.Gor'kiy atındağı Ädebiet institutınıñ janındağı joğarğı kursınıñ kündizgi böliminde oqidı. 1994-2012 jıldar aralığında «Zañ gazetinde» jauaptı hatşı jäne şoluşı bolıp qızmet etti. Amanhan Älimwlı Qazaqstan Respublikasınıñ «Mädeniet qayratkeri», M.Maqataev atındağı sıylıqtıñ laureatı (Alaş» sıylığınıñ), Oñtüstik Qazaqstanğa Eñbegi siñgen medalimen, «Jandos» atındağı sıylıqtıñ iegeri, «Wlt patriotı» gramotasımen marapattalğan, Qazaqstan Jazuşılar odağınıñ müşesi. «Ötkirdiñ jüzi», «Aynwrı alaqanımda», «Janımnıñ japırağı», «Bes qoñırau», «Kezdesu» publicistikalıq jäne öleñder jinağınıñ avtorı. Jaqında «Ataqonıs» attı jır-jinağı jarıqqa şıqtı.
Qazir wlttıq qoğamdıq-sayasi «Aqiqat» jurnalınıñ Bas redaktorı.
QILIQTI QIZ
Qılıqtı qız qıpşa bel, qiıq qastı,
Twrsam da men aldıñda iip bastı,–
Menen bwrın jel sipap bwrımıñdı,
Menen bwrın tağı sol süyip qaştı.
Qılığımdı qwlınday twsadı ma,
Bala şağım basımnan wşa bwla,–
Menen bwrın Ay nwrı aymaladı,
Menen bwrın tün alıp qwşağına.
Añğara da bermeytin küydi keyde,
Tekke wşpa sezimmen süydi dey me?–
Menen bwrın kök nöser juındırıp,
Menen bwrın täniñe tidi jeyde.
Tartıp tağdır tağatsız küziñdi alğa,
Boyımdı alğan kezinde ızıñ, şalma,–
Menen bwrın wyqıñnan tañ oyatıp,
Menen bwrın Kün şaydı jüziñdi alma.
Körinisindey köñilsiz jastı künniñ,
Mısı eñsemdi bir mezgil bastı mwñnıñ.
Baqıttı artıq bärinen seziner em,
Tise basım şetine jastığıñnıñ.
KÜZGİ NAYZAĞAY
Tirşiliktiñ twñğiıq artı kümän,
Aytşı, dosım, qalayşa parqın wğam?!
Jatır bwlttar jarılıp, darbızdarday,
Şart-şwrt etken nayzağay jarqılınan.
Tınım bermey twrğan jel bastan baqqa,
Kidi künge qwşağın aşqan şaq pa?!
Nöser qwyıp bererdey, qos qarayğan,
Qorqınışpen qaraymız aspan jaqqa.
Qwşağımda dirildep twrğan qızdı,
Aqqayıñğa wqsattım wrğan küzgi.
Qızıqtıra qoymas-au, aspan taqqan,
Oñğan kümis, Ay degen, sırğañ bizdi.
Ekeumizde küdik bar tağı basqa,
Wrınıp qalğan küzge şağı, qasqa!
Qoyşı, äyteuir, suıq köz siyaqtanğan,
Keletwğın kez emes bağın aşqa.
Qanı qat aumaytın Kün qasqaldaqtan,
Bolsañ da mezgil kütip, bastan baqqan, -
Üyir-üyir jılqı aydap ötkendey me,
Bir dübir ketpey qoydı aspan jaqtan.
Köz aldıma keltirgen hoşı köpti,
Taptı,bilem, amalın tosın epti, -
Aramızğa jay tüsti, so bir küzde,
Tösin köktiñ nayzağay osıp ötti.
Köñilimniñ, sodan soñ, hoşı ketti…
* * *
Külim köz kökem-ay,
Külip öte me-ay,
Qwndızday qwlpırıp.
Qol jetpes bir arman,
Tal boyı bwralğan,
Qılıqqa twr twnıp.
Ölara twstağı,
Bwlttay wşpalı,
Ülbirep jür baqta.
Kün közi araylı
Degendey qaraydı,
Almañdı wrlatpa…
Bolmaydı jazğırıp,
Şikämşil jaz qılıq,
Tabiğat bolmısı.
Sağınış sazınday,
Qanatı jazıldı-ay,
Sekildi qol qwsı…
Köñildi qozğadı-ay,
Külkisi tozbağay,
Jel qauzap, kün ötip.
Şaldırmay til-közge,
Wşırar bir kezde,
Uaqıt tületip.
Ömir
Soğa-twğın aynalıp,
Ötken ömir ölip-öşti azap pe eñ?..
Ajalmenen baylanıp,
Kindiktesip qalğanmın men qazaqpen.
Esiterim”Elim-ay”,
Qorğasınday oylar basıp eñsemnen,-
Kele jatır jelip Ay,
Vagondarmen tüye örkeşti teñselgen.
Qwlazıp twr köñil de,
Qızben birge ketken qızıq siyaqtı.
Ömir deytin ömir me,
Ayaq astı etsek,şirkin, wyattı.
Dala sänin ketirip,
Twman japqan aynalanı kilkime.
Ölip jatqan ötirik,
Bw dwnie wqsap ketti tülkige…
***
Qas pen közdiñ,bauırım,arasında,
Asqaq keude soñına qarasın ba? -
Basım ketip baradı bileginde,
Sanam ketip baradı sanasında.
Jaulap alğan janımdı talma keşte,
Keremet kün keşegi qalmadı este, -
Erinim ketip baradı erininde,
Şayqaladı şattığım alma töste.
Keş wğınğan qadirin tiregim be,
Sol qız qazir mwratım, tilegim de, -
Közim ketip baradı bwrımında,
Özim ketip baramın jüreginde.
QAYIRŞI
Ayaq-qolsız, qaşalğan tas tüyin be,
Qayır tilep otır ol jas küyinde.
Tiın tüstes japıraq tüsip jatır,
Aldındağı kün jegen bas kiimge.
Twnıq janar twñğiıq keş pe der em,
Odan mwñ da,key-keyde ses te körem.
Jwmba köz körme sen de – kör soqırsıñ,
Jıp-jılmañ jeldey sen de espe, kereñ.
Aşar-aşpas mwndayda sır kerek pe,
Şaypau jelmen şayqalıp twr terek te.
Qas qağımda şelektep tögetindey,
Bulığadı boz bauır bwlt erekte.
Tarttı derlik ırımğa qay qabağı,
Tartılar kökte Allanıñ Ay tabağı…
Bas kiimge jinalğan japıraqtı ol,
Tögip jeldiñ özine qaytaradı.
kerey.kz
Pikir qaldıru