سيريا استاناسىندا قارۋلى قاقتىعىس بولدى
سيريا استاناسى داماسكىنىڭ شىعىس بولىگىندە ناۋرىزدىڭ 19-ى كۇنى كوتەرىلىسشىلەردىڭ تۇتقيىلدان جاساعان شابۋىلى كولەمدى قارۋلى قاقتىعىستارعا ۇلاسقان. Syrian Observatory for Human Rights ۇيىمىنىڭ مالىمەتىنشە، وقيعا دجوبار اۋدانىندا ەكى اۆتوكولىكتى جارىپ، بىرنەشە جانكەشتىلىك شابۋىلدان باستالعان. بۇدان سوڭ قارۋلى ادامدار ابباسيد الاڭى ماڭىنداعى بىرنەشە عيماراتتى باسىپ الىپ، داماسكىنىڭ باسقا بولىكتەرىن زىمىراننان اتقىلاعان.
سيريالىق ءباسپاسوز قۇرالدارى ۇكىمەت اسكەرى قالاعا ءتۇن ىشىندە جەراستى توننەلدەرى ارقىلى كىرىپ العان «ءال-قايدا» تەررورلىق ۇيىمىمەن بايلانىسى بار توپتىڭ شابۋىلىن تويتاردى دەپ حابارلادى.مەملەكەتتىك تەلەارنا دجوبار جانە كابۋن اۋداندارىندا قاقتىعىستار بولعانى تۋرالى مالىمدەدى.
بىرنەشە كۇننەن كەيىن جەنەۆادا بۇۇ-نىڭ اراعايىندىعىمەن سيرياداعى جانجالدى توقتاتۋ جونىندە بەيبىت كەلىسسوزدەر باستالۋى ءتيىس. سيرياداعى التى جىلعا سوزىلعان سوعىس سالدارىنان 320 مىڭنان استام ادام قۇربان بولعان.
ازات ەۋروپا / ازاتتىق راديوسى
پىكىر قالدىرۋ