|  |  | 

Sayasat Swhbattar

“Eşkim mwnday nätije şığadı dep oylamağan”


"Amerika dauısınıñ" ştattan tıs tilşisi Greta Van Sastern AQŞ prezidenti Donal'd Tramptan swhbat alıp twr. Singapur, 12 mausım 2018 jıl

“Amerika dauısınıñ” ştattan tıs tilşisi Greta Van Sastern AQŞ prezidenti Donal'd Tramptan swhbat alıp twr. Singapur, 12 mausım 2018 jıl

Prezident Donal'd Tramp Soltüstik Koreya jetekşisi Kim Çen Inmen Singapurda kezdesken soñ “Amerika dauısınıñ” ştattan tıs tilşisi Greta Van Sasternmen swhbattasıp, kelissözdiñ qalay ötkenin, endi ne bolatının ayttı.

AQŞ pen Soltüstik Koreya tarihında birinşi ret eki el prezidentteri jüzbe-jüz kezdesip, kelissöz qıldı. Mausımnıñ 12-sinde Singapurda ötken kezdesuden soñ Donal'd Tramp pen Kim Çen In Tüsinistik mälimdemesine qol qoyıp, yadrolıq qarudan bas tartu men äskeri jattığudan tartınu nietterin jariyaladı.

Greta Van Sastern: - Kim Çen Innıñ boyınan tañ qalarlıq ne kördiñiz?

Donal'd Tramp: - Şınında da jaysañ adam eken. Quaqı, öte aqıldı, kelissözge şeber. Halqın jaqsı köredi, oğan tañ qalğan joqpın, elin süyedi eken. Bir tamaşa kelisim bastadıq dep oylaymın. Soltüstik Koreyanı atom qaruınan arıltpaqpız. Bwl is birden bastaladı jäne basqa da jayttar bolıp jatır. Onıñ işinde [Korey soğısınıñ amerikalıq twtqındarınıñ] süyekterin aldırtu bar. Bilesiz be, Greta, Soltüstik Koreyadan habardarsız ğoy, twtqındardıñ süyekterin qaytarudıñ köp adam üşin mäni zor. Mağan habarlasqandarı bar, “Qolıñızdan kele me?” dep hat jazğandarı bar. Ol (Kim Çen In) osığan kelisti, soğısta mıñdağan adam ölgen. Sondıqtan bwl – ülken şarua.

Greta Van Sastern: - Sonımen bügin adam qwqıqtarı mäselesin köterdiñiz ğoy? Onıñ reakciyası qalay boldı?

Donal'd Tramp: - Öte jaqsı boldı. Uaqıttıñ 90 payızın yadrolıq qarusızdanu mäselesin talqılauğa jwmsadıq. Biraq basqa da köp jayttı alğa şığardıq, işinde adam qwqıqtarı da bar. [Ölgen twtqındardıñ] süyekterin qaytaru – ülken faktor, qwjatqa onı da kirgizdik… Kütkennen äldeqayda köp nätije şıqtı.
Greta Van Sastern: - Köp közinen tasa jerde ne bolğanın aytıñızşı. Oğan ul'timatum qoydıñız ba? Ol sizge ul'timatum qoydı ma? Kelissöz qalay ötti?

Donal'd Tramp: - Jo-joq, ul'timatum bolğan joq. Üş ay boyı ökilderimiz arqılı, ğajap jwmıs bitirgen memleket hatşısı Mayk Pompeo arqılı qarastırıp kelgen mäsele ğoy. Bügin kezdeskenşe biraz uaqıt kelissöz jasap ülgergenbiz. Birden til tabıstıq. 25 sağat boyı wyıqtamay jürmin. Bwl bir wzaq kelissöz boldı, biraq razımın. Process bastaldı. Mwnıñ soñı soğısqa wlasıp ketui mümkin edi. Soltüstik Koreyanı jaqsı bilesiz. Bir Seulde (qala mañındağı aymaqtı qosqanda – red.) 28 million adam twradı.Milliondağan adamnıñ opat boluı mümkin edi. Biraq bitim qıluğa qol jetkizbekpiz.

Greta Van Sastern: - Äskerimizdiñ jayı ne bolmaq? Oñtüstik Koreyada qala bere me?

Donal'd Tramp: - Iä, qala beredi. Onı talqılağan da joqpız. Köp şığınğa wşıratqan soğıs oyındarınan bas tartpaqşımız. Olar arandatıp keldi, meniñ sonı toqtatqım keledi. [Soltüstik Koreya] bwğan razı. Öytkeni qitığına tiip keldi. Bwl [äskeri jattığular] biz üşin qımbatqa tüsip twr. Senimdi türde kelissöz jürgizsek, [jattığular] ötkizbeymiz.

Greta Van Sastern: - Jıldar boyğı qır körsetuden soñ Kimdi kelissözge köndirgen jayt ne?

Donal'd Tramp: - Keremet bir qır körsetu boldı dep oylamaymın. Mağan deyingiler ünsiz ğana qarap otırdı. Bwl turalı söylegileri kelmedi. Olay bolmaydı. Bastapqı ritorika öte mañızdı boldı dep oylaymın. Kezinde aytqandarım özime de wnamadı, keybir jwrt qatelesti dep oyladı. Biraq onsız mına jerge jetpes edik. Sonımen qatar ol da kelisim jasağısı keledi, birdeñe qılğısı keledi dep oylaymın.

Greta Van Sastern: - Nege?

Donal'd Tramp: - Öytkeni ol istiñ adamı ekenimizdi biledi. Bwrın mwnday senimi bolmağan dep oylaymın. Adamdar basqa edi. İs alğa baspağan. Biraq qazir iske köşkenimizdi biledi. Keliskimiz keledi, soğan küş salamız. Qazir qolımızdağı närse – köp uaqıt ta ötken joq, birinşi künnen bastap Soltüstik Koreya turalı qattı söylep keldik qoy – bügin köp jwrt oylağannan äldeqayda mañızdı äri jan-jaqtı qwjatqa qol qoydıq. Eşkim mwnday nätijege qol jetedi dep oylamağan.

Greta Van Sastern: - Kelissöz bitken soñ ol öziñiz turalı qanday oy tüydi dep twspaldaysız?

Donal'd Tramp: - Köñilinen şıqtım dep oylaymın, ol da mağan wnadı. Ötkennen habarım bar, ayta berudiñ qajeti joq, beti qattı jigit ekenin bilem. Ne qattı boluına tura kelgen, ne tabiğatınan qattı. Biraq jaqsı tüsinistik. Aqıldı adam, halqın jaqsı köredi, elin süyedi. Köp igilikke qol jetkizgisi keledi, sol üşin tırısıp jatır.

Greta Van Sastern: - Biraq halqın aş wstap otır ğoy. Qatıgezdik qılıp otır. Elin söytip süye me?

Donal'd Tramp: - Ol körgenin istep otır. Bwğan osı jağınan qarar edim. Bügin, keşe jäne birneşe apta bwrınğı jaytqa nazar audarar edim. Eñ mañızdısı sol kezde bastaldı. Älgi ritorikasız, mañızı zor sankciyalarsız [bwl kün tumas edi]. Sankciyalar kelisimniñ jüzege asatınına közimiz jetkenşe qala beredi. YAdrolıq qarulardı joyu anıq bastalğanşa sankciyalar alınbaydı.
Greta Van Sastern: - “Amerika dauısın” Soltüstik Koreya halqı da tıñdaydı. El twrğındarına ne aytar ediñiz?

Donal'd Tramp: - Olardıñ qamqor jetekşisi bar dep oylaymın. Halqı üşin dwrıs närse jasağısı keledi, jaqsı tüsinisip jatırmız. Qarım-qatınasımız äu bastan jaqsı bastaldı, bwl jaytqa qanday män beretinimdi bilesiz. Bwl – öte mañızdı. Keybir adamdarmen qalay tırıssañ da, söziñ jaraspaydı, isiñ jwğıspaydı. Biz basınan wğınıstıq. Ol turalı ayttım da, Soltüstik Koreyanıñ körer jaqsılığı köp boladı.

Greta Van Sastern: - Prezident mırza, Vaşingtonnan alıs bir qiırda swhbattasqanıma quanıştımın.

Donal'd Tramp: - Onıñız ras. Alıs jol. Qaytarda köz ilip alam dep ümittenem. Aytpaqşı, öziñiz de demalıp alıñız.

Greta Van Sastern: - Älbette. Jolıñız bolsın!

Donal'd Tramp: - Raqmet, Greta! Sizben äñgimelesu – zor märtebe.

Related Articles

  • “Dombıra tartıp, qazaqşa än salatın buınnıñ soñımız ba dep qorqamın”

    Nwrtay LAHANWLI Germaniyanıñ Hatcenport auılında. Suret avtorı – Talğar Dälelğazı. Türkiyada tuıp, Franciyada twrğan, arğı tegi altaylıq qazaq Ömir Özkalp Germaniyada käsipkerge aynaldı. Türkiyada – “Omer”, Franciyada – “Viktor-Zafer” atanğan Ömir şettegi qazaq jastarınıñ ana tilinen ajırap bara jatqanın aytıp qınjıladı. Türkiyanıñ Altay auılında tamızdıñ 30-ı – jergilikti Jeñis küni tuğan Ömir Özkalpqa ata-anası azan şaqırıp, Zafer (türikşeden “jeñis” dep audarıladı – red.) dep at qoyğan. Biraq üy-işi men qwrdastarı Ömir dep atap ketken. Mektepke barğan kezinde qwjatındağı esimi laqap atınıñ türikşe formasında “Omer” dep jazılıp ketken. Keyin käsip izdep Europağa qonıs audarğan ol Franciya azamattığın alar kezde “Viktor” degen esim jalğap alğan. Mwnıñ da mağınası – “jeñis”. Qıtayda kommunisterdiñ

  • Toqaev: “Jer şeteldikterge satılmaydı”

    Qostanay oblısı  Jer turalı oyın Qasım-Jomart Toqaev oblıstıñ auıl şaruaşılığı önimin öndiruşilermen kezdesuinde ayttı. – Basqa oblıstardağıday mwnda da belgili bir mäseleler bar. Biraq, Ükimettiñ kömegimen bwl problemalardı şeşu jwmıstarı küşeytiledi. Al, jer mäselesine keler bolsaq, kim jwmıs isteydi, jer soğan tiesili. Ekinşiden, jer şeteldikterge satılmaydı. Bwl meniñ Prezident retinde tübegeyli wstanımım, – dedi Memleket basşısı. Kezdesuge qatısuşılar auıl şaruaşılığı eñbekkerlerine memlekettik tarapınan körsetilip jatqan qoldau üşin Qasım-Jomart Toqaevqa alğıs ayttı.

  • Marğwlan Seysembaev: Saylaudı baykottau arqılı sizder eşteñe däleldey almaysızdar

      Tanımal biznesmen, azamattıq belsendi Marğwlan Seysembaev alda kele jatqan kezekten tıs prezident saylauına öziniñ «Instagram» paraqşasında taldau jasadı. Köptegen adamdardıñ swraqtarına jauap beru üşin jäne köptegen bos söz ben ötirikten tazalau üşin men mına saylau nauqanı jöninde kişigirim taldau jasadım. Sonımen, bizde tört jol bar: 1. Dauıstı Toqaevqa beru. Onda sizder barlığı qalıptasqan küyde qala bergendi tañdaysıñdar. Öytkeni Toqaev özin Elbasınıñ sayasatın jalğastıruşı retinde köredi. Toqaev pen Qosanovtan basqa ümitkerler jäy qıdırıp jürgen jandar, sondıqtan olardı müldem qarastırmaymın. 2. Dauıstı Qosanovqa beru. Ol kisi turalı bilik pen radikaldı oppoziciya ärtürli söz aytuda. Bireuler onı Aqordaniki deydi, bireuler oppoziciya deydi. Sizdiñ bwl jöninde bilu kerek närseñiz, ol Qosanovtıñ twlğası emes,

  • N.Nazarbaev: “Qazaqstanda bir ğana prezident bar jäne ol eldegi bastı adam”

    «Qazaqstanda bir ğana prezident bar jäne sol bastı adam. Biz barlığımız soğan jwmıs jasaymız». Bwl Elbası Nwrswltan Nazarbaevtıñ öz sözi. Astana ekonomikalıq forumında söz söylegen Nwrswltan Nazarbaev Qazaqstanda bir ğana prezidenttiñ bar ekenin jäne qalğandarı soğan bağınatının ayttı. «Halıq pen köşbasşı bir bolğanda ğana jetistikke jetuge boladı. Al äzirlengen bağdarlamalar men ideyalar halıqtıñ qoldauımen ğana jüzege asadı. Bälkim bizdiñ wstanğan sayasatımız dwrıs bolğan şığar. Men 5 jalpıhalıqtıñ saylauğa tüstim. Mağan elektorat 85 payızdan kem dauıs bergen joq.  Kelesi tranformaciyada tınış, sayasi senimsizdikten ayırılmau kerek. Meniñşe, bwl tığırıqtan şığudağı dwrıs şeşim.  Meniñ mandatım äli ayaqtalmağan edi. Men äli de jwmıs jasay beruime bolatın edi. Tipti, halıq meni tañdaytınına jüz payız senimdilikpen,

  • 28 PANFILOVŞILAR TURALI AÑIZDIÑ AQIQATI

    Marat Baidildauly Özimiz kişkentayımızdan erligin mektepte oqıp ösken 28 panfilovşı turalı anıqtalğan aqiqat bwrınnan qalıptasqan wğımmen mülde üylespeydi. Ol oydan şığarılğan añız ğana bolıp şıqtı. İs jüzinde ol “Krasnoy zvezda” gazetiniñ ädebi hatşısı YU.A.Krivickiydiñ qiyalınan tuğan dünie eken. Daqpırt osı jurnalistiñ 1942 jılı 22-qañtarda «Krasnaya zvezda» gazetinde jariyalanğan «28 panfilovşınıñ ösieti» degen materialınan bastau alğan. 1942 jılı mausım ayında Batıs maydan komandovaniesiniñ wsınuımen 1942 jılı 21-şildede Krivickiydiñ materialında atı-jönderi atalğan 28 jauıngerdiñ bärine Keñes Odağınıñ Batırı atağı berilgen. Keyin köp närseniñ beti aşıla bastadı. Alğaşında tügel jer jastandı delinip jürgen 28 batırdıñ beseui: Vasil'ev Illarion Romanoviç, Şemyakin Grigoriy Melent'eviç, Şadrin Ivan Demidoviç, Dobrobabin Ivan Evstaf'eviç pen Kujebergenov Daniil Aleksandroviç tirilerdiñ

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: