|  |  | 

ساياسات سۇحباتتار

پروفەسسور كوللينس: “شىڭجاڭ – تيبەت ەمەس”


پەكيندە جۇرگەن ەر ادامدار. كورنەكى سۋرەت.

پەكيندە جۇرگەن ەر ادامدار. كورنەكى سۋرەت.

قىتايدىڭ شىڭجاڭ قازاقتارىن ساياسي تاربيەلەۋ ورتالىقتارىنا قاماۋ ناۋقانى مەن وسى ايماقتان قازاقستانعا كوشكەن ەتنيكالىق قازاقتاردىڭ زەينەتاقى ماسەلەسى سوڭعى ايلاردا الەۋمەتتىك جەلىلەردە ءجيى تالقىلانىپ جاتىر. ازاتتىق استاناداعى نازارباەۆ ۋنيۆەرسيتەتىنىڭ ساياساتتانۋشىسى، قىتايدىڭ ساياساتىن زەرتتەپ جۇرگەن پروفەسسور نيل كوللينسپەن سينوفوبيانىڭ سەبەبى جانە شىڭجاڭداعى ماسەلەنى شەشۋ جولدارى تۋرالى سۇحباتتاستى.

ازاتتىق: قازاقستاندا سينوفوبيانىڭ كۇشەيگەنى بايقالادى. شىڭجاڭداعى ەتنيكالىق قازاقتاردى ساياسي تاربيە ورتالىقتارىنا جاپپاي قاماۋ مەن استانانىڭ قىتايلىق ازاماتتارعا 72 ساعاتتىق ۆيزاسىز كىرۋ رۇقساتىن بەرۋى الەۋمەتتىك جەلىلەردە قىزۋ تالقىلانىپ جاتىر. قىتايدىڭ “ەكونوميكالىق جانە ساياسي ەكسپانسياسى” تۋرالى الاڭداۋعا قانشالىقتى نەگىز بار؟

نيل كوللينس: بۇقارالىق دەڭگەيمەن سالىستىرعاندا جوعارعى دەڭگەيدە الاڭداۋ مەن سينوفوبيا از. بۇقارالىق دەڭگەيدە بۇعان قىتايدىڭ ينۆەستيتسياسى، زاۋىتتارى مەن ينفراقۇرىلىم جوبالارىمەن ۇشىراسقان جەكە ادامداردىڭ تاجىريبەسى تۇرتكى بولىپ تۇر. بۇل جاعىنان قاراعاندا قازاقستان باسقا كوپتەگەن ەلدەن وزگەشە دە ەمەس. قىتايدىڭ كوپتەگەن دامۋشى ەلدەردەگى، افريكاداعى ينۆەستيتسياسىنا قاراساڭىز، وسىعان ۇقساس رەاكتسيا بايقايسىز. قىتاي شەت ەلگە ماماندارىن، ينجەنەرلەرىن توپتاپ جىبەرەدى، جەرگىلىكتى جۇمىس كۇشىن پايدالانبايدى. بۇل ەرىكسىز بولىنۋشىلىك تۋدىرادى. بۇل – شەكارالاس قازاقستانعا عانا قاتىستى ماسەلە ەمەس. قىتايدىڭ جۇمىس ىستەۋ ءتاسىلى – وسى. بۇل ءتاسىل جەرگىلىكتى حالىقتى ءجيى شامداندىرادى. قازاقستاننىڭ جاعدايىندا [شىڭجاڭداعى] ەتنيكالىق قازاقتاردىڭ ماسەلەسى بۇعان قاباتتاسا ءتۇستى.

نيل كوللينس، ساياساتتانۋشى

نيل كوللينس، ساياساتتانۋشى

ازاتتىق: پەكينگە بارعان سوڭعى رەسمي ساپارى كەزىندە پرەزيدەنت نۇرسۇلتان نازارباەۆ “ترانسشەكارالىق سيمپاتيا تانىتتى، پاتريوتيزمنەن اينىدى، ءدىني ەكسترەميزمگە ۇرىندى” دەگەن سياقتى ايىپتار تاعىلىپ جاتقان باتىس قىتايداعى قازاقتاردىڭ ماسەلەسىن كوتەرمەدى. شىڭجاڭداعى بۇل احۋال قايتىپ وزگەرۋى مۇمكىن جانە بۇل ماسەلەنىڭ شەشىمى بار ما؟

ساياسي تاربيەلەۋ ورتالىقتارىنا كەلسەك، قاماۋدىڭ ءبىر ءتۇرى عوي، مۇنداي ساياسات ەشبىر ەلدە ۇزاققا سوزىلماعان. قىسقا مەرزىمدى شارا. قىتايدىڭ بيلىك وكىلدەرى بۇل ءتاسىلدى تيبەتتە ساتىمەن قولداندىق دەپ ويلادى.

نيل كوللينس: كەيبىر ادامداردىڭ بۇل ماسەلەگە قاتىستى پرەزيدەنت نۇرسۇلتان نازارباەۆتىڭ قولىنان كوبىرەك نارسە كەلەر ەدى عوي دەپ سۇراۋى مۇمكىن. ونىڭ [پەكيندەگى كەلىسسوزدە] ناقتى نە ايتقانىن انىق بىلمەيمىز دە. بىلەتىنىمىز – [قازاقستاننىڭ] سىرتقى ىستەر مينيسترلىگى بەلسەندى بولا باستادى. كاسىبي ديپلوماتتارعا ساي تۇردە ساق، ديپلوماتيالىق مانەردە مالىمدەمەلەر جاساپ جاتىر. بىراق مالىمدەمە جاريالاپ جاتقانى، كوممەنتاري بەرىپ جاتقانى – فاكت… ساياسي تاربيەلەۋ ورتالىقتارىنا كەلسەك، قاماۋدىڭ ءبىر ءتۇرى عوي، مۇنداي ساياسات ەشبىر ەلدە ۇزاققا سوزىلماعان. قىسقا مەرزىمدى شارا. قىتايدىڭ بيلىك وكىلدەرى بۇل ءتاسىلدى تيبەتتە ساتىمەن قولداندىق دەپ ويلادى. تيبەتتى باسقارعان وكىل شىڭجاڭعا جىبەرىلدى. بۇل – سوڭعى ءۇش جىلداعى وزگەرىستىڭ ءبىر سەبەبى. ماسەلەنى شەشۋدىڭ جاقسىراق، وڭايىراق جولدارى بار ەكەنىن ەندى ءتۇسىنۋى مۇمكىن. ء“بىر بەلدەۋ – ءبىر جول” باستاماسىنىڭ اياسىندا قاراساڭىز، شىڭجاڭ – تيبەت ەمەس. بۇل جەردە ارى-بەرى قوزعالىس بار، شەكارا اشىلا تۇسپەك. قازاقستان ۇكىمەتىنە الاڭ ءبىلدىرۋ كەرەك، ويتكەنى بۇرىنعىمەن سالىستىرعاندا قازىر پوزيتسياسى جاقسىراق.

 

ازاتتىق: قازاقستان ءۇشىن قىتايمەن تىعىز ەكونوميكالىق بايلانىس ورناتۋدىڭ پايداسى مەن زيانى نە بولماق؟

نيل كوللينس: باسقاشا جاسايتىنداي بالاما بار ما؟ ەكونوميكا جاقسى بولعانىمەن مۇناي مەن گاز سياقتى شيكىزات وندىرۋگە نەگىزدەلگەن. بۇل احۋال ۇزاققا سوزىلمايدى. ءارتاراپتانۋ – قازاقستان ءۇشىن قيسىندى ساياسات. قىتاي سياقتى جۋىردا الەمنىڭ ەڭ ءىرى ەكونوميكاسىنا اينالعالى تۇرعان الىپ ەلگە كورشى بولىپ وتىرعان قازاقستان بۇل فاكتوردى ەلەۋسىز قالدىرا المايدى. [قىتايمەن تىعىز بايلانىستىڭ] ەڭ ۇلكەن زيانى – قازاقستان قىتاي مەن ەۋروپا اراسىنداعى تاۋار تاسىمالى كەزىندە ترانزيت ايماق بولىپ قالا بەرۋى مۇمكىن. قازاقستاننىڭ ەۋرازيا ەكونوميكا وداعىنىڭ مۇشەسى رەتىندەگى ءتيىمدى تاريفتەرىن پايدالانىپ، قىتاي كورشى تەرريتوريامەن پويىزدارىن جۇرگىزە بەرمەك. تەمىر جولعا قاتىستى ينفراقۇرىلىمدىق جاعىنان وڭالعانىمەن قازاقستان پايدا كورمەۋى ىقتيمال. باسقا ەلدەردىڭ تاجىريبەسىن زەرتتەۋ كەرەك. اۆستراليا مەن اقش سياقتى تەمىر جول ينفراقۇرىلىمى ۇقساس ەلدەر بار. مىسالى، كاليفورنيا مەن شىعىس جاعالاۋدى، پەرت پەن مەلبۋرندى جالعاپ تۇرعان الىپ ينفراقۇرىلىمنىڭ بويىنداعى كەيبىر ايماق نە سەبەپتى گۇلدەندى، نەگە كەيبىرى ەلەۋسىز قالدى؟ بۇل قۇپيانى اشسا، قازاقستان [قىتايدىڭ] ينۆەستيتسياسىنان كوبىرەك پايدا تۇسىرەر ەدى. ال قىتاي قورشاعان ورتانى لاستايتىن يندۋستريالارىن جىبەرەتىن بولسا، ەڭ قيىن جاعداي تۋى مۇمكىن.

 

ازاتتىق: قىتايدىڭ سىرتقى ساياساتىنداعى قازاقستاننىڭ ورنى قانداي؟

نيل كوللينس: دۇنيە ءجۇزىنىڭ كارتاسىنا قاراساڭىز، قىتايدىڭ مينەرال مەن ازىق-تۇلىك تاسىمالداۋ جولدارى اقش پەن ونىڭ وداقتاستارى ۇستەم تۇرعان تەڭىز مارشرۋتتارىمەن وتەدى. قىتاي بۇل تاراپتان كەتىپ، قۇرلىق مارشرۋتىن دامىتسا، پوزيتسياسى كۇشەيەدى دەپ ويلايدى. جالپى قىتاي قازاقستان تۋرالى كوپ بىلە بەرمەۋى مۇمكىن. بىراق ورتالىق ازيانىڭ ولارعا ماڭىزى زور. بۇل ايماقتى قاراستىرعاندا ينفراقۇرىلىمىن قايدا سالۋى مۇمكىن؟ وسىنداي باقۋاتتى، تۇراقتى ەلدە مە؟ الدە مۇنداي ارتىقشىلىعى جوق ورتالىق ازيانىڭ قالعان ءتورت ەلىندە مە؟

قىتاي وتكەن تاريحىنا ءۇڭىلىپ، اركەز عالامدىق دەڭگەيدە دەرجاۆا بولعانىن ەستە ۇستايدى. ولاردىڭ كوزقاراسىنا سايكەس، سوڭعى ەكى عاسىردا ەۋروپالىقتار اسكەري تەحنولوگياسىن جەتىلدىرىپ، العا شىقتى. مۇنىڭ سوڭى قىتايدا ۇزاققا سوزىلعان تۇراقسىز كەزەڭ – “قورلانۋ عاسىرىنا” ۇلاستى. ال قازىر وزدەرىن قايتا جىگەرلەندىرۋ جاعدايىندا تۇر. قىتاي ءوز ويىنداعى قىتاي، ياعني “الەمنىڭ كىندىگى” بولۋى ءتيىسپىز دەپ ويلايدى. ء“بىر بەلدەۋ – ءبىر جول” باستاماسى – وسى ساياساتتىڭ ءبىر بولىگى. قازاقستاننىڭ بۇل ساياساتتا ورنى بار. ەكى ەلدىڭ اراسىندا ازداپ سەنبەۋشىلىك بولسا دا، پراگماتيكالىق قارىم-قاتىناس ورناعان. كەڭىرەك، عالامدىق اۋقىمدا قاراسا، قازاقستان بۇل قاتىناستان پايدا تۇسىرە الادى.

ازات ەۋروپا / ازاتتىق راديوسى

Related Articles

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • “گەوساياسات يلەۋىنە ءتۇسىپ قالۋىمىز مۇمكىن”. قازاقستاندا اەس سالۋعا قاتىستى ساراپشى پىكىرى

    ەلەنا ۆەبەر اتوم ەلەكتر ستانساسىن سالۋ جانە پايدالانۋ ەكولوگيالىق قاتەر جانە توتەنشە جاعدايدا ادام دەنساۋلىعىنا قاۋىپتى عانا ەمەس، وعان قوسا سوعىس بارىسىندا ۋكراينانىڭ زاپوروجە اەس-ىندەگى بولعان وقيعا سياقتى بوپسالاۋ قۇرالى دەيدى الەۋمەتتىك-ەكولوگيالىق قوردىڭ باسشىسى قايشا اتاحانوۆا. ول مۇنىڭ ارتىندا كوپتەگەن پروبلەما تۇرعانىن، قازاقستاندىقتارعا اەس سالۋ جونىندەگى رەفەرەندۋم قارساڭىندا بىرجاقتى اقپارات بەرىلىپ، وندا تەك پايدالى جاعى ءسوز بولىپ جاتقانىن ايتادى. ساراپشى اەس-ءتىڭ قاۋپى مەن سالدارى قانداي بولاتىنى جايىندا اقپارات وتە از دەپ ەسەپتەيدى. گولدمان اتىنداعى حالىقارالىق ەكولوگيالىق سىيلىقتىڭ لاۋرەاتى، بيولوگ قايشا اتاحانوۆا – رادياتسيانىڭ ادامدارعا جانە قورشاعان ورتاعا اسەرىن شيرەك عاسىردان استام زەرتتەپ ءجۇر. ول بۇرىنعى سەمەي پوليگونىندا جانە وعان ىرگەلەس جاتقان اۋدانداردا زەرتتەۋ جۇرگىزگەن. قاراعاندى ۋنيۆەرسيتەتىنىڭ گەنەتيكا كافەدراسىندا وقىتۋشى بولعان.

  • “قازاقستان دۇرىس باعىتتا”. دەكولونيزاتسيا، ۋكرايناداعى سوعىس جانە قاڭتار. بالتىق ەلشىلەرىمەن سۇحبات

    دارحان ومىربەك بالتىق مەملەكەتتەرىنىڭ قازاقستانداعى ەلشىلەرى (سولدان وڭعا قاراي): يرينا مانگۋلە (لاتۆيا), ەگيديۋس ناۆيكاس (ليتۆا ) جانە تووماس تيرس. سوۆەت وداعى ىدىراي باستاعاندا ونىڭ قۇرامىنان ءبىرىنشى بولىپ بالتىق ەلدەرى شىققان ەدى. ءوزارا ەرەكشەلىكتەرى بار بولعانىمەن، سىرتقى ساياساتتا بىرلىگى مىقتى لاتۆيا، ليتۆا جانە ەستونيا مەملەكەتتەرى ناتو-عا دا، ەۋرووداققا دا مۇشە بولىپ، قازىر كوپتەگەن ولشەم بويىنشا الەمنىڭ ەڭ دامىعان ەلدەرىنىڭ قاتارىندا تۇر. رەسەي ۋكرايناعا باسىپ كىرگەندە كيەۆتى بار كۇشىمەن قولداپ، تاباندىلىق تانىتقان دا وسى ءۇش ەل. سوعىس باستالعانىنا ەكى جىل تولار قارساڭدا ازاتتىق بالتىق ەلدەرىنىڭ قازاقستانداعى ەلشىلەرىمەن سويلەسىپ، ەكىجاقتى ساۋدا، ورتاق تاريح، رەسەي ساياساتى جانە ادام قۇقىعى تاقىرىبىن تالقىلادى. سۇحبات 8 اقپان كۇنى الىندى. “بىزدە قازاقستاندى دۇرىس بىلمەيدى” ازاتتىق: سۇحباتىمىزدى بالتىق ەلدەرى مەن قازاقستان اراسىنداعى ساۋدا قاتىناسى

  • باقسىلار ينستيتۋتى

    ساراپتاما (وقىساڭىز وكىنبەيسىز) ءبىرىنشى، ىلكىدە تۇركى بالاسىندا ارنايى قاعان قۇزىرەتى ءۇشىن جۇمىس ىستەيتىن كورىپكەل باقسىلار ينستيتۋتى بولعان. اتى باقسى بولعانىمەن حاننىڭ قىرىق كىسىلىك اقىلشىسى ەدى. كورىپكەل باقسىلار حان كەڭەسى كەزىندە الداعى قاندايدا ءبىر ساياسي وقيعا مەن سيتۋاتسيانى كۇنى بۇرتىن بولجاپ، ءدوپ باسىپ تالداپ ءھام ساراپتاپ بەرە الاتىن سونى قابىلەتتىڭ يەسى-ءتىن. ولاردى ساياسي كورىپكەلدەر دەپ اتاسا دا بولادى. حان ەكىنشى ءبىر ەلدى جەڭۋ ءۇشىن بىلەك كۇشىنەن بولەك كورىپكەل باقسىلاردىڭ ستراتەگيالىق بولجاۋىنا دا جۇگىنەتىن. قارسىلاس ەلدىڭ كورىپكەل باقسىلارى دا وڭاي ەمەس ارينە. ەكىنشى، ۋاقىت وتە كەلە ساياسي كورىپكەل باقسىلار تۇركىلىك بولمىستاعى ستراتەگيالىق مەكتەپ قالىپتاستىردى. تۇركى باقسىلارى قىتاي، ءۇندى، پارسى، ۇرىم ەلدەرىن جاۋلاپ الۋدا ماڭىزدى ءرول اتقاردى. ول كەزدەگى جاھاندىق جاۋلاسۋلار جەر، سۋ،

  • ماسكەۋ توقاەۆتان پريگوجيننىڭ بۇلىگىن باسۋعا كومەكتەسۋدى سۇرادى ما؟

    ەلنۇر ءالىموۆا قازاقستان پرەزيدەنتى قاسىم-جومارت توقاەۆ جانە رەسەي باسشىسى ۆلاديمير پۋتين. بۇل اپتادا باتىس باسىلىمدارى ماۋسىم ايىندا «چۆك ۆاگنەردىڭ» جەتەكشىسى ەۆگەني پريگوجيننىڭ اسكەري بۇلىگى كەزىندە رەسەي قازاقستاننان كومەك سۇراعانىن، بىراق پرەزيدەنت قاسىم-جومارت توقاەۆ ودان باس تارتقانىن جازدى. سونىمەن قاتار استانا مەن انكارا اسكەري سالاداعى سەرىكتەستىكتى كۇشەيتىپ، 2024 جىلى ەلدە درون شىعارا باستايتىنىنا توقتالدى. بۇدان بولەك ورتالىق ازيا باتىس ەلدەرى ءۇشىن نە سەبەپتى ماڭىزدى ايماققا اينالعانىن تالدادى. قازاقستان مەن تۇركيا ANKA درونىن شىعارا باستايدى اقش-تاعى Jamestown قورى قازاقستان مەن تۇركيا اسكەري سەرىكتەستىكتى كۇشەيتىپ جاتقانىنا نازار اۋدارادى. قازاقستان 2024 جىلدان باستاپ ەلدە تۇركيانىڭ Anka دروندارىن شىعارا باستايدى. 28 قاراشا كۇنى قورعانىس مينيسترلىگى درون وندىرەتىن وتاندىق كومپانيانى تاڭداپ جاتقانىن حابارلادى. مالىمدەمەدە تۇركيانىڭ Anka درونى ەلدە

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: