|  |  | 

مادەنيەت رۋحانيات

يتەلمەندەر اتا-بابا قونىسىندا وزدەرىن وگەي سەزىنەدى


كورنەكى سۋرەت.

كورنەكى سۋرەت.

كامچاتكادا شەنەۋنىكتەر جەرگىلىكتى يتەلمەندەر قاۋىمىنان ايماقتىڭ ەڭ باستى كورنەكتى ورنى – اشىق اسپان استىندا ورنالاسقان “پيمچاح” مۋزەيى تۇرعان جەر تەلىمىن بوساتۋدى تالاپ ەتتى. مۇنداي شەشىمگە جەردى جالعا الۋ مەرزىمىنىڭ اياقتالۋى سەبەپ بولعان. قاۋىم وكىلدەرى اتامەكەنىندە جەردى تەگىن پايدالانا المايتىندارىنا قاپالى.

“قاتتى قينالىپ، قاپالانىپ ءجۇرمىز”

سوسنوۆكا اۋىلى كامچاتكا تۇبەگىنىڭ وڭتۇستىك-شىعىسىنداعى ەليزوۆسكي اۋدانىندا ورنالاسقان. سوسنوۆكادان التى شاقىرىم جەردە، اشىق اسپان استىندا “پيمچاح” مۋزەيى بار. تۇبەكتىڭ بايىرعى حالقى – يتەلمەندەر وسترايا تاۋى ماڭىن كيەلى جەر سانايدى.

يتەلمەندەر قاۋىمىنىڭ باسشىسى ۆەرا كوۆەينيك (ورتادا سويلەپ تۇر).

يتەلمەندەر قاۋىمىنىڭ باسشىسى ۆەرا كوۆەينيك (ورتادا سويلەپ تۇر).

 

- بيلىكتىڭ قارىم-قاتىناسى تاڭ قالدىرادى. مۇنداي دۇنيەنى العاش ءبىز جاساعانبىز. مۋزەيدى 1998 جىلى سالا باستادىق، 2000 جىلداردىڭ باسىندا اشىلدى. ءبارىن ءوزىمىز ىستەدىك، ەشكىم كومەكتەسكەن جوق. يتەلمەندەر قاۋىمى بىرلەسىپ پاتشا داۋىرىندەگىدەي اۋىل تۇرعىزدىق. ەندى سونىڭ ءبارىن تالقانداسا وتە وكىنىشتى بولماق، – دەيدى يتەلمەندەر قاۋىمىنىڭ باسشىسى ۆەرا كوۆەينيك.

“پيمچاح” ءسوزى “وت” دەگەن ماعىنا بەرەدى. بەلسەندىلەر كامچاتكانى زەرتتەۋشى ستەپان كراشەننيكوۆتىڭ جۇمىسى بويىنشا ورتاعاسىرلىق يتەلمەن اۋىلىن قالپىنا كەلتىرگەن. اۋىلدان يتەلمەندەردىڭ ءداستۇرلى قۇرىلىستارىن كورۋگە بولادى، مىسالى، اعاشتان جاسالعان كۇركە ءتارىزدى يتەلمەندەردىڭ جازعى تۇراعى بار، ونى ءوز تىلدەرىندە “بالاگان” نەمەسە “باربور” دەپ اتايدى. يتەلمەندەر قىستا بورەنەدەن سوعىلعان جەر ۇيلەردە تۇرعان. مۋزەي-اۋىلدا وت جاعاتىن ورىن مەن سولتۇستىك كامچاتكانىڭ ەجەلگى قۇدايلارىنىڭ پۇتتارى تۇرعان توتەمدىك توبەشىك بار.

يتەلمەندەردىڭ جازعى تۇراعى - بالاگان. "پيمچاح"، كامچاتكا، رەسەي.

يتەلمەندەردىڭ جازعى تۇراعى – بالاگان. “پيمچاح”، كامچاتكا، رەسەي.

 

كوۆەينيك پەن ونىڭ قاۋىمى سوڭعى جيىرما جىلدان بەرى جەرگىلىكتى بيلىكتەن جالعا الىپ كەلگەن بۇل جەردە كوپتەگەن ەتنيكالىق ەكسكۋرسيالار مەن بالالاردىڭ گاسترونوميالىق فەستيۆالدەرى وتەدى.

جىل سايىن قىركۇيەكتە “پيمچاحتا” كامچادالداردىڭ باستى ەتنيكالىق مەيرامى – “الحالالالاي” دەپ اتالاتىن ەگىن مەرەكەسىن تويلايدى. “پيمچاحتا” بۇل مەيرام 20 جىلدان بەرى تويلانىپ كەلەدى. قاۋىم مەن كەلگەن قوناقتار اۋلاعان بالىعى مەن اڭشىلىقتا قانجىعاسىن مايلاعانى ءۇشىن قۇدايلارعا العىس ايتادى.

"الحالالالاي" مەرەكەسى. "پيمچاح"، كامچاتكا، رەسەي.

“الحالالالاي” مەرەكەسى. “پيمچاح”، كامچاتكا، رەسەي.

مۋزەيدە اۋلانعان بالىقتى، تەڭىز اڭدارىن وڭدەۋگە بايلانىستى بايقاۋلار، حالىق اندەرى مەن ونەر تۇرلەرىنەن ءداستۇرلى جارىستار وتەدى. مەرەكە ەتنيكالىق بي مارافونىمەن اياقتالادى. 2016 جىلى مارافون 16 ساعات 35 مينۋتقا سوزىلىپ، رەكوردتىق كورسەتكىشكە جەتكەن. ول كەزدە مەرەكەگە 5 مىڭعا جۋىق قوناق كەلدى، ءسىبىر مەن قيىر شىعىستان 300-دەن استام ونەرپاز قاتىستى.

بىرنەشە كۇن بۇرىن ولكە اكىمشىلىگى شەنەۋنىكتەرى جەردى جالعا الۋ مەرزىمى بىتكەنىن حابارلاپ، قاۋىمعا جەر تەلىمىن بوساتۋ كەرەكتىگىن ەسكەرتكەن.

جەردى وتكىزگەن سوڭ ءبارىن تراكتورمەن تەگىستەۋ كەرەك. ءوز جەرى مەن وزەنىندە وتىرىپ، كوز جاسىن بۇلاعان ابوريگەننىڭ كەيپىن كيدىك.

- وسى جىلدار بويى بالالارعا ارناپ مەيرام ۇيىمداستىردىم، بيزنەس جاساعان جوقپىن، مادەنيەتكە ۇلەس قوستىم. جالعا الۋ مەرزىمى بىتكەندە ونى قايتا سوزبايتىندارىنا سەنە المادىق. زاڭ وزگەردى دەي مە… ءبىر اپتادان بەرى ەلەڭدەپ وتىرمىز. قۇرىلىس كوپ سالىنىپ جاتىر. شەنەۋنىك ايەلدىڭ ايتۋىنشا، اكىمشىلىكتەگى بىرەۋ دەمالىستان شىققان بەتتە جەردى وتكىزۋىمىز كەرەك ەكەن. جەردى وتكىزگەن سوڭ ءبارىن تراكتورمەن تەگىستەۋ كەرەك. ءوز جەرى مەن وزەنىندە وتىرىپ، كوز جاسىن بۇلاعان ابوريگەننىڭ كەيپىن كيدىك. قازىر قاتتى قينالىپ، قاپالانىپ ءجۇرمىز، – دەيدى ۆەرا كوۆەينيك.

وتتىڭ قاسىندا بيلەپ تۇرعان ادام. "پيمچاح"، كامچاتكا.

وتتىڭ قاسىندا بيلەپ تۇرعان ادام. “پيمچاح”، كامچاتكا.

جاقىندا “پيمچاحقا” شۆەيتساريادان قوناقتار كەلەدى دەپ جوسپارلانعان ەدى، ەندى ولاردىڭ ساپارى بەلگىسىز جاعدايدا قالدى. ۆەرا كوۆەينيك كامچاتكا ولشەمىمەن العاندا شاعىن سانالاتىن 1,7 گەكتار جەر تەلىمىنىڭ بيلىككە نەلىكتەن قاجەت بولا قالعانىن تۇسىنبەيدى. قاجەت بولسا ول سوتقا جۇگىنۋگە ءازىر.

بىزگە ادامدار رۋحاني ازىق ىزدەپ: جەلدىڭ سىبدىرىن، وزەننىڭ سىلدىرىن تىڭداۋعا كەلەدى.

- بىزگە وسى جەردى بەرسە دەيمىز. بىراق ول ازىرگە ارمان عانا، ءوزىڭىز كورگەندەي، جالعا الىپ وتىرمىز. ونى ءار بەس-ون جىل سايىن جالداۋ مەرزىمىن ۇزارتۋعا تۋرا كەلەدى. مۋزەيدى بەكەردەن بەكەر دالادا، اشىق اسپان استىندا جاساعان جوقپىز، ونىڭ ءبارى رۋحاني قاجەتتىلىك. جۇرتتىڭ ءبارى بيزنەسپەن اينالىسا بەرمەيدى عوي! بىزگە ادامدار رۋحاني ازىق ىزدەپ: جەلدىڭ سىبدىرىن، وزەننىڭ سىلدىرىن تىڭداۋعا كەلەدى. كۇرەكتەپ اقشا تابۋدى عانا ويلاي بەرمەي، وسىنداي نارسەگە دە كوڭىل ءبولۋ كەرەك قوي! – دەيدى كوۆەينيك.

اشىق اسپان استىنداعى مۋزەيدى راسىمەن دە بيزنەس كوزى دەپ اتاۋ قيىن. “پيمچاح” – قوعامدىق ۇيىم، جىل بويى جۇرگىزەتىن ەكسكۋرسيادان پايدا تابادى، شولۋ ەكسكۋرسياسى – 500 رۋبل، تولىق تانىسۋ – 1000 رۋبل. 12 جاسقا دەيىنگى بالالار تەگىن كىرەدى. مۋزەيگە ەرىكتىلەردى شاقىرادى، ولار شارۋاشىلىققا كومەكتەسىپ، ءبىرشاما ۋاقىت وسى اۋىلدا تۇرادى، ەكسكۋرسياعا قاتىسادى. سوسنوۆكاعا جەتۋ قيىن ەمەس، اۋىل پەتروپاۆلوۆسك-كامچاتسكيدەن كولىكپەن جۇرگەندە 40 مينۋتتىق جەردە ورنالاسقان.

يتەلمەندەر مەرەكەسى كەزىندە. "پيمچاح،" كامچاتكا.

يتەلمەندەر مەرەكەسى كەزىندە. “پيمچاح،” كامچاتكا.

وسى اپتادا يتەلمەندەر ولكە اكىمشىلىگىمەن كەزدەسپەكشى. شەنەۋنىكتەر “ماسەلەنى شەشۋگە” ۋادە بەردى، بىراق ۆەرا كوۆەينيك ولاردىڭ سوزىنە يلانا قويمايدى.

- بيلىك وكىلدەرىنەن نە كۇتۋ كەرەكتىگىن بىلمەيمىن. قالاي بۇلتارار ەكەن، كورەمىز. گۋبەرناتور بۇل جايىندا ەشتەڭە بىلمەيدى. جالعا الۋ اقشاسىن تولەيتىن ۋاقىت كەلگەندە دەرەۋ قاعاز جىبەرەدى. ال قازىر ءۇنسىز قالىپ، ابدەن تاقاعان كەزدە عانا ايتىپ وتىر. “اۋكتسيونعا قاتىسقان جوقسىڭدار، سوندىقتان جالعا الۋ مەرزىمى اياقتالدى” دەپ قاعاز جىبەرىپتى. ءبىز اۋكتسيوننان ەشقاشان ۇتا المايمىز، سەبەبى بيزنەسمەن ەمەسپىز. دەمەك، ءوز جەرىمىزدى ساتىپ الۋىمىز كەرەك ەكەن، – دەيدى ۆەرا كوۆەينيك.​ء“بىزدى ادام قۇرلى كورمەيدى”

يتەلمەندەر كامچاتكا مەن ماگادان وبلىسى اۋماعىن مەكەندەيدى. حالىقتىڭ نەگىزگى تۇرعىن مەكەنى – تيگيلسكي اۋدانىنداعى كوۆران اۋىلى، بۇل جەردە ءموبيلدى بايلانىس جوق، مۇندا تۇراتىن 200 شاقتى ادام بالىق اۋلاپ، اڭشىلىقپەن اينالىسادى. كوۆرانعا تىكۇشاق نەمەسە جول تالعامايتىن كولىكپەن جەتۋگە بولادى.

- قازىر يتەلمەندەردىڭ سانى وتە از. سوڭعى ساناق بويىنشا شامامەن 3000-عا جۋىق، قازىر ودان دا ازايعان بولار. ولار تىلدەرىن ساقتاپ، دامىتقىسى كەلەدى. بىراق ارنايى مەملەكەتتىك باعدارلاما جوق، ءوز بەتتەرىمەن جانتالاسىپ ءجۇر. مەملەكەتتەن قارجى ءبولىنۋى كەرەك. بۇرىن سوۆەت كەزەڭىندە كورياكتار دا، يتەلمەندەر دە، ەۆەندەر دە بالاباقشادان باستاپ انا تىلدەرىن وقيتىن. وقۋ مەكەمەلەرىندە وسى تىلدەردى وقىتاتىن مۇعالىمدەرگە ساعات بولەتىن. قازىر مەكتەپتەردە اپتاسىنا ءبىر ساعات قانا بولەدى، مۇعالىم جارتى مولشەرلەمەمەن ىستەيدى. بۇل نەنى بىلدىرەدى؟ مەكتەپتە ءتىل وقىتىلمايدى. مەملەكەتتىڭ قولداۋى بولماسا، ءبارى بەكەر، – دەيدى ولكەنىڭ زاڭ شىعارۋ جيىنىنىڭ دەپۋتاتى تاتيانا رومانوۆا.

يتەلمەندەر ءداستۇرلى ءبيى. "پيمچاح"، كامچاتكا.

يتەلمەندەر ءداستۇرلى ءبيى. “پيمچاح”، كامچاتكا.

سولتۇستىك كامچاتكا ولكەسىنىڭ بايىرعى جانە سانى از حالىقتارىنىڭ بىرلەستىگىن باسقاراتىن تاتيانا رومانوۆانىڭ ايتۋىنشا، ەۆەندەر، چۋكچالار، الەۋتتەر مەن كامچادالدار دا يتەلمەندەر ءتارىزدى قيىندىقتى باستان وتكەرىپ جاتىر: حالىقتىڭ سانى ازايعان، مادەنيەتتى ساقتاۋعا ەنتۋزياستتار عانا ىقپال ەتەدى. تۇبەكتىڭ سولتۇستىك بولىگىندە بىرلىگىن بۇزباي تۇرىپ جاتقان كورياكتاردىڭ سانى بىركەلكى بولىپ تۇر.

قازىر بۇل ەتنيكالىق ۇلكەن مەيرامدار وتەتىن جالعىز ورىن. بۇدان باسقا ەشتەڭە قالمادى.

- ولار الىس تۇكپىردە تۇرادى، سوندىقتان ءوز ورتالارىنان الشاقتامايدى. ال “پيمچاح” – كامچاتكانىڭ بەتكە ۇستار ورنى. قازىر بۇل ەتنيكالىق ۇلكەن مەيرامدار وتەتىن جالعىز ورىن. بۇدان باسقا ەشتەڭە قالمادى. بايىرعى حالىقتار مەن تۇرعىندار ەلەۋسىز قالدى. ەگەر “پيمچاحتى” تارتىپ السا – ۇلكەن قاتەلىك بولماق. ءوز جەرىمىزدە وگەي بولىپ تۇرمىز. قالاسا، تارتىپ الادى، – دەيدى تاتيانا رومانوۆا.

رەسمي دەرەك بويىنشا، كامچاتكادا 10 ەتنيكالىق اۋىل بار، ولار نەگىزىنەن وتباسىلىق تۋريستىك ساپارلارعا ارنالعان. 2018 جىلى ەليزوۆسكي اۋدانىندا “حالچ” اتتى شاناعا جەگەتىن يتتەردى وسىرەتىن ورىن (پيتومنيك) اشىلعان.

- يت ءوسىرۋدى قالپىنا كەلتىرۋ ماقساتىندا اشىلعان ورتالىق بار. سوسىن “پيمچاح” قالدى. بىراق بايىرعى تۇرعىندارعا جەر الۋ وتە قيىن. مىسالى، ولەگ زاپوروتسكي (يتەلمەندەر اسسوتسياتسياسىنىڭ توراعاسى – ازاتتىق) يتەلمەندەر داستۇرىنە ساي مەيرام وتكىزۋ ءۇشىن جەر راسىمدەۋگە تىرىستى. بىراق قانشا تىرىسسا دا بولماي جاتىر. جەردى تۇتاستاي بەرە سالاتىنداي ىستەۋگە بولا ما؟ كىم بەرە قويسىن؟ ءتىپتى ايتقىم كەلمەيدى، وتە ايانىشتى جايت.

تاتيانا رومانوۆا “پيمچاحتى” قالدىرۋ ءۇشىن قولدان كەلگەنشە ايانبايتىنىن ايتادى.

- بۇل ماسەلەنى شەشە الامىز دەپ ويلايمىن. ءوزىم بۇل تۋرالى جۇما كۇنى كەشكە عانا ءبىلدىم. ارينە، جاعىمسىز جاعداي… شەنەۋنىكتەر قالاي بولسا سولاي، دورەكى، ەنجار ارەكەت جاساعاندا وسىلاي بولادى. “كەتىڭدەر” دەگەن نە ءسوز؟ ونداي شەنەۋنىكتەردىڭ وزدەرىن قۋ كەرەك. حالىق ءۇشىن جۇمىس ىستەپ، سول ءۇشىن جالاقى الىپ وتىرسىڭدار. ولاي بولسا، ادامدارمەن دۇرىستاپ جۇمىس ىستەڭدەر. ولار “جەردى بوساتىڭدار، ول ەندى سەندەرگە تيەسىلى ەمەس” دەيدى. بۇعان قالاي توزۋگە بولادى؟

“سيبير.رەالي” سايتىنىڭ ءتىلشىسى يگور چيگارسكيحتىڭ ماتەريالى ورىسشادان اۋدارىلدى.

Related Articles

  • تەرەڭنەن تەرگەن ءجاۋھار ءىلىم

    پەداگوگيكا-فيلوسوفميامەن تامىرلاس عىلىم.ونى قىسقاشا پايىمداساق:ول-ادامدى دامىتۋ جولىن ايقىنداۋشى  فيلوسوفيا. ال،ءدىن دەگەنىمىز ادامزاتتى جاراتۋشىنىڭ سالعان جول-ىنان اداستىرساي الىپ جۇرەر، باعىت-باعدارىن نۇسقاۋشى شامشىراق.  مىنە،  سوندىقتان دا، يمانيپەداگوگيكا جەكە ءبىر ۇلتتىڭ نەمەسە ءناسىلدىڭ،ءدىننىڭ  نەسىبەسى ەمەس جالپىعا ورتاق ، ۇلتاندى تانىم قورى. يمانيپەداگوگيكا ادامزاتتىڭ ەڭ اسىل ساپاسى،ادامشىلىقتىڭ اسقار شىڭى ىزگىلىككە  نەگىزدەلگەنلىكتەن:ءبىرىنشى.وسكەلەڭ جاس ۇرپاق تاربيەسىنىڭ پەداگوگيكالىق يدەيالارى مەن تاجىريبەسىنىڭ تاريحي داستۇرلەر تامىرى تەرەڭگە كەتەدى. وتاندىق پەداگوگيكا عىلىمى عاسىرلار بويى – بالا ەڭ جوعارى قۇندىلىق، ادام ءومىرىنىڭ جالعاسى، ادامزات قوعامىن جالعاستىرۋشى دەگەن ىزگىلىكتى ويدىڭ نەگىزىندە دامىپ كەلەدى. قاي كەزدە دە بالا تاربيەسى سول قوعامنىڭ باستى مىندەتىنىڭ ءبىرى بولعان. سوندىقتان وتاندىق ىزگىلىكتى پەداگوگيكانىڭ داستۇرلەرىن دامىتا  وتىرىپ ونىڭ تۇعىرلى تۇيىندەرىن تىرەك ەتەدى.قازاقتا ءتالىم-تاربيەلىك كوپتەگەن ءىلىم-ءبىلىم بار.ماسەلەن:ەرلىك-باتىرلىققا باۋلۋ قازاق

  • انا ءتىلىم – بايلىعىم

    كوكاجاەۆا ا.ب. قازاق مەملەكەتتىك قىزدار پەداگوگيكالىق ۋنيۆەرسيتەتى، ماتەماتيكا كافەدراسىنىڭ قاۋىم.پروفەسسور م.ا. زامان تالابىنا ساي يننوۆاتسيا مەن تەحنولوگيانىڭ جاڭا كەزەڭىنە قادام باسقان حالقىمىز ءۇشىن باستى ماسەلەلەردىڭ ءبىرى ول – ءتىل تاعدىرى، ياعني «ءتىل تاعدىرى – ۇرپاق تاعدىرى، ۇرپاق تاعدىرى – ەل تاعدىرى». ەلباسىمىز اتاپ كورسەتكەن جاڭعىرۋدىڭ ءۇشىنشى كەزەڭىنە كوشۋىمىز جاھاندىق تەحنولوگيالىق باسەكەلەستىگىمىزدى ارتتىرۋمەن قاتار، رۋحاني- مادەني  دامۋىمىزعا دا سەرپىن بەرەرى بارشاعا ءمالىم. وسىعان وراي، قازىرگى زاماناۋي قوعام ازاماتتارى تىلدىك ورتانى جەتىلدىرۋگە، ونىڭ ىشىندە قازاق ءتىلىن ءوز ەلىمىزدىڭ بولاشاق دامۋى ءۇشىن ورتاق تىلگە اينالدىرۋعا اتسالىسۋىمىز قاجەت. ءتىل ماسەلەسى – بولاشاق ۇرپاققا ماقتانىشپەن تاپسىراتىن اتا- بابامىزدىڭ قالدىرعان اماناتى. وسى انا ءتىلىمىز قارىم-قاتىناس جاساپ كەلە جاتقان ۇرپاعىمىزدىڭ وتكەنى مەن بۇگىنگىسىن سالماقتاي كەلە، كەلەشەگى باياندى

  • رۋحاني جاڭعىرۋ – وسكەلەڭ ۇرپاق نەگىزى

    قازاق مەملەكەتتىك قىزدار پەداگوگيكالىق ۋنيۆەرسيتەتى پەداگوگيكا عىلىمدارىنىڭ كانديداتى بەكبولعانوۆا ا.ق. «رۋحاني جاڭعىرۋ» – بارلىق قازىرگى زامانعى قاۋىپ-قاتەرلەر مەن جاھاندانۋ سىن-قاتەرلەرىن ەسكەرە وتىرىپ، قازاقستاندىقتاردىڭ رۋحاني قۇندىلىقتارىن جاڭعىرتۋعا باعىتتالعان مەملەكەت باسشىسىنىڭ باعدارلامالىق ماقالاسى. جاھاندانۋ داۋىرىندە ماڭىزدى فاكتورلاردىڭ ءبىرى- ءبىلىم بۇگىنگى ۇرپاق قالىپتاستىرۋ بولىپ تابىلادى. قازاقستاندىق ءپاتريوتيزمدى تاربيەلەۋ-مەملەكەتتىڭ عانا ەمەس، وتباسىنىڭ دا، ەڭبەك ۇجىمىنىڭ دا، جالپى قوعامنىڭ دا ماڭىزدى مىندەتتەرىنىڭ ءبىرى. بىراق بۇل جەردە باستى ءرول ءبىلىم بەرۋ جۇيەسىنە بەرىلەدى. پەداگوگتەردىڭ مىندەتى پاتريوتيزم نەگىزدەرىن ءتۇسىندىرۋ،پاتريوتتىق تاربيە بەرۋ جانە پاتريوتتىق سەزىمدى جان-جاقتى دامىتۋ. ءبىلىم بەرۋ سالاسىندا ساباقتاردا دا، سىنىپتان تىس ءىس-شارالاردا دا پاتريوتتىق تاربيەنىڭ ءتۇرلى باعىتتارى مەن نىساندارى بار. بۇگىنگى تاڭدا مۇعالىم مەن وقۋشىنىڭ ىنتىماقتاستىعى، ديالوگى، ونىڭ جەكە ومىرلىك تاجىريبەسىنە سۇيەنۋ، وقۋشىنىڭ وزىندىك ءومىر

  • كەرەكۋدەگى كەزەكتى كەزدەسۋ

    بيىل ءداستۇرلى تۇردە وتەتىن جۋرناليستيكا ماماندىعى بويىنشا ستۋدەنتتەر اراسىنداعى ءحى رەسپۋبليكالىق پاندىك وليمپيادا پاۆلودار قالاسىندا جالعاسىن تاۋىپ وتىر. بولاشاق باق وكىلدەرى باقتالاساتىن بۇل جارىسقا ەلىمىزدىڭ جوعارى وقۋ ورىندارىنان 17 قۇراما قاتىسۋدا. كىل مىقتىدان كىم مىقتىنى انىقتاۋ ءۇشىن باعى مەن بابىن باعۋشىلار جالپى 5 كەزەڭ بويىنشا شەبەرلىكتەرىن كورسەتۋى شارت. ولار جارىس ەرەجەسىنە ساي قازىلار القاسىنىڭ ۇپايلارىمەن باعالانادى. بۇل بايقاۋدىڭ بەرەرى ءباسسىز باسىم. ويتكەنى كەلگەن قاتىسۋشىلار تەك جارىسىپ قانا قويماي، كەرەكۋ جەرىنىڭ كوركىنە كۋا بولادى. وسى ورايدا ولارعا ارنايى ەكسكۋرسيا دا ۇيىمداستىرىلدى. ساياحات بارىسىندا كوماندالار اۋعان سوعىسى ارداگەرلەرى اللەياسى مەن سۇلتانماحمۇت تورايعىروۆ ساياباعىنىڭ جانە ايگىلى ءماشھۇر ءجۇسىپ مەشىتىنىڭ تاريحىمەن تانىستى. ودان ءارى بۇقار جىراۋ اتىنداعى ادەبيەت جانە ونەر مۇراجايىنا باعىتتى بۇرعان بايقاۋشىلار،

  •   ەتنوگراف باياحىمەت جۇمابايۇلىنىڭ جەتى كىتابىنىڭ تۇساۋكەسەرى ءوتتى

    الماتى قالاسىنداعى جازۋشىلار كىتاپحاناسىندا 2019 جىلى 5 ءساۋىر كۇنى ەتنوگراف، جازۋشى باياحىمەت جۇمابايۇلىنىڭ ەتنوگرافيالىق جەتى كىتابىنىڭ تۇساۋكەسەرى ءوتتى. ەتنوگراف، جازۋشى باياحىمەت جۇمابايۇلى  احەتوۆ ماماي قانيۇلى دابىرالى ءارى عىلمي دەڭگەيدە وتكەن بۇل رەتكى جەتى كىتاپتىڭ تۇساۋكەسەرىن الماتى قالاسى اكىمىنىڭ كەڭەسشىسى، «ءتىل» ورتالىعىنىڭ جەتەكشىسى احەتوۆ ماماي قانيۇلى باسقاردى.     مازمۇنى باي، قۇندىلىعى جوعارى، تاريحىمىزدى ارىدان قوزعايتىن جەتى كىتاپتىڭ تۇساۋىن كەسۋ مارتەبەسىنە يە بولىپ، سالتاناتىن اسىرعاندار: نۇرتىلەۋ يمانقاليۇلى نۇرتىلەۋ يمانقاليۇلى. قازاقستان ەڭبەك سىڭىرگەن قايراتكەرى، كورنەكتى تەلە جۋرناليست.   عالىم جايلىباي عالىم جايلىباي. حالىقارالىق الاش سىيلىعىنىڭ يەگەرى، «جۇلدىز» جۋرنالىنىڭ باس رەداكتورى. يسلام جەمەنەي يسلام جەمەنەي. ءال-فارابي اتىنداعى قازاق ۇلتتىق ۋنيۆەرسيتەتىنىڭ «تۇران-يران» عىلمي زەرتتەۋ ورتالىعىنىڭ ديرەكتورى، پسيحولوگيا عىلىمىنىڭ دوكتورى، پروفەسسور.   ءنابيجان مۇقامەتقانۇلى ءنابيجان

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: