|  | 

جاھان جاڭالىقتارى

قىتايداعى ۆيرۋس بوي بەرمەي تۇر. قازاقستان ساقتىق شارالارىن كۇشەيتتى


پەكين ورتالىعىندا جۇرگەن ادامدار. 22 قاڭتار 2020 جىل.

پەكين ورتالىعىندا جۇرگەن ادامدار. 22 قاڭتار 2020 جىل. 

قىتاي بيلىگى 29 قاڭتاردا ەلدە كوروناۆيرۋس جۇقتىرعاندار سانى 5974 ادامعا جەتكەنىن، 132 ادامنىڭ قايتىس بولعانىن حابارلادى. قازاقستان كورشى ەلدەگى جاعدايعا بايلانىستى اۆتوبۋس، تەمىرجول جانە ۇشاق رەيستەرىن ۋاقىتشا توقتاتىپ، قىتاي ازاماتتارىنا ۆيزا بەرۋگە شەكتەۋ قويدى.

قىتاي بيلىگى قازىر ەلدە 9239 ادامنىڭ ۆيرۋس جۇقتىرۋ كۇدىگىمەن دارىگەرلەر باقىلاۋىندا ەكەنىن مالىمدەدى. قىتايداعى كوروناۆيرۋستىڭ ورشۋىنەن كەيىن قازاقستان 29 قاڭتاردان باستاپ ەكى ەل اراسىندا قاتىنايتىن اۆتوبۋستاردى، 1 اقپاننان باستاپ الماتى – ءۇرىمجى، نۇر-سۇلتان – ءۇرىمجى، دوستىق – الاشانكوۋ، التىنكول – قورعاس باعىتىنداعى پويىزداردى، 3 اقپاننان باستاپ ۇشاقتاردى توقتاتپاق. ەكى ەل اراسىندا قازاقستاندىق Air Astana, SCAT جانە قىتايلىق China Southern Airlines, Air China اۋە كومپانيالارى تۇراقتى تۇردە رەيس ۇشىرادى. ۇكىمەت 3 اقپاننان باستاپ قىتايعا ساپارلاماق بولعان ازاماتتار بيلەتتەرىن قايتارا الاتىنىن حابارلادى.

نۇر-سۇلتان قىتاي ازاماتتارىنا 72 ساعاتتىق ترانزيت ۆيزاسىن جانە نەگىزگى ۆيزانى بەرۋدى دە ۋاقىتشا توقتاتتى.

قازاقستاننىڭ باس سانيتارلىق دارىگەرى جانداربەك بەكشيننىڭ سوزىنشە، قازىر قىتايدان قازاقستانعا كەلگەن 35 ادام اۋرۋحاناعا جاتقىزىلعان. ولاردىڭ 27-سىنە تۇماۋ دياگنوزى قويىلعان. ال سەگىز ادامنىڭ ءاناليزىنىڭ ناتيجەسى جاقىن كۇندەرى شىعادى.

فاكتچەك: “كورونوۆيرۋس تاراعانى” جايلى حابارلامالار قانشالىقتى راس؟

قازاقستان 4-8 اقپاندا نۇر-سۇلتاندا جوسپارلانعان تەننيستەن ايەلدەر اراسىنداعى فەدەراتسيا كۋبوگىنىڭ ازيا ايماعى بويىنشا جارىسىن وتكىزۋدەن باس تارتتى. بۇل تۋرنير بۇعان دەيىن قىتايدىڭ دۋنگۋان قالاسىندا ءوتۋى ءتيىس بولعان. كەيىن حالىقارالىق تەننيس فەدەراتسياسى جارىستى وتكىزۋدى نۇر-سۇلتانعا ۇسىنعان. بۇدان بولەك، قازاقستان سپورت كوميتەتى 12-16 اقپاندا نۇر-سۇلتاندا جوسپارلانعان سۋ دوبىنان توكيو وليمپياداسىنا ىرىكتەۋ جارىسى دا وتپەيتىنىن مالىمدەدى.

بۇعان دەيىن قازاقستاندا بەلسەندىلەر بيلىكتەن تەننيس ءتۋرنيرىن وتكىزبەۋدى، قىتايمەن شەكارانى تولىق جابۋدى تالاپ ەتكەن. ۇكىمەت شەكارا جابىلسا، قىتايدا قالعان قازاقستاندىقتار ەلگە كەلە الماي قالاتىنىن ايتقان. قازاقستاننىڭ ازاماتتىق اۆياتسيا كوميتەتى قىتايدا قالعان قازاقستاندىقتاردى شىعارۋ ءۇشىن قوسىمشا رەيستەر جىبەرىلەتىنىن مالىمدەدى. قازاقستان بيلىگى ۆيرۋس وشاعى ۋحان قالاسىندا قالعان قازاقستاندىق 98 ستۋدەنتتى ەۆاكۋاتسيالاۋ ءۇشىن قىتاي ۇكىمەتىمەن اقىلداسىپ جاتقانىن، ارنايى بورت دايىن تۇرعانىن حابارلاعان.

دەنساۋلىق ساقتاۋ مينيسترلىگى قازىر جەدەل تۇردە 3 ميلليون مەديتسينالىق ماسكا ساتىپ الاتىندارىن مالىمدەدى.

دۇنيەجۇزىلىك دەنساۋلىق ساقتاۋ ۇيىمى قىتاي ۆيرۋستى جەڭە الادى دەپ سەنەتىن. بىراق دەرتتىڭ اسقىنۋىنا بايلانىستى قازىر ۆيرۋس وشاعى ۋحاندا جۇرگەن شەتەلدىكتەر جاپپاي كەتىپ جاتىر.

ۋحاندا تاراعان ۆيرۋس جۇققاندار سانى بويىنشا 2002-2003 جىلى قىتايدى اۋرەگە سالعان SARS اسىپ ءتۇستى. SARS ۆيرۋسىنان 600-دەن استام ادام ولگەن.

قازىر قىتايدا ءورشىپ تۇرعان ۆيرۋستىڭ بەلگىلەرى – جوتەل، تەمپەراتۋرا. بۇدان بولەك، بۇل ۆيرۋستى جۇقتىرعان ادامنىڭ تىنىس الۋى قيىندايدى.

قىتاي ۆيرۋس العاش تىركەلگەن حۋبەي پروۆينتسياسىنداعى 17 قالانى جاۋىپ تاستادى.

اۆستراليا قىتايدا جۇرگەن 600 ازاماتىن الىپ كەتۋ جاعىن قاراستىرىپ جاتىر. ەۋروپا وداعى ەلدەرى، اقش، جاپونيا، ۇلىبريتانيا جانە سولتۇستىك كورەيا دا قىتايداعى ازاماتتارىن اكەتۋدى باستاپ كەتتى.

الەمدەگى اۋە كومپانيالارىنىڭ كوبى قىتايعا ۇشاتىن رەيستەرىن توقتاتىپ جاتىر. دۇنيەجۇزىلىك دەنساۋلىق ساقتاۋ ۇيىمى قازىر قىتايداعى ۆيرۋسقا بايلانىستى حالىقارالىق دەڭگەيدە توتەنشە جاعداي جاريالاۋ ماسەلەسىن تالقىلاپ جاتىر.

14 ميلليون تۇرعىنى بار ۋحان كالاسىنىڭ كوشەسىندە. حۋبەي پروۆينتسياسى، قىتاي، 28 قاڭتار 2020 جىل.
وقي وتىرىڭىز

“ۇيدەن شىقپايمىز”. قىتايداعى قازاقستاندىقتار كوروناۆيرۋس جايلى

ۆيرۋس ۋحانداعى تەڭىز ونىمدەرى بازارىنان تاراعان. كەيبىر اقپارات قۇرالدارىنىڭ جازۋىنشا، بازار 1 قاڭتاردا جابىلعانعا دەيىن وندا تەڭىز ونىمدەرى عانا ەمەس، جارقانات، تاۋىق، قويان مەن جىلان زاڭسىز ساۋدالانىپ كەلگەن. 22 قاڭتار كۇنى “مەديتسينالىق ۆيرۋسولوگيا” جۋرنالىندا زەرتتەۋ جاريالاعان عالىمدار “ۆيرۋستىڭ جىلاننان تاراعانىن” جازدى. مۇنى راستايتىن نە جوققا شىعاراتىن زەرتتەۋلەر ءالى جاريالانبادى.

South China Morning Post, AP, AFP, Reuters اقپاراتتارى نەگىزىندە جازىلدى.

ازاتتىق راديوسى

Related Articles

  • بەيرۋتتاعى جارىلىس: قازا بولعاندار ارتتى، پورت باسشىلىعى قاماۋعا الىندى

    بەيرۋت قالاسى جارىلىستان سوڭ، ليۆان. 5 تامىز 2020 جىل. بەيرۋت پورتىنداعى ىرى جارىلىستان كەيىن ىزدەۋ-قۇتقارۋ جۇمىستارى ءالى جالعاسىپ جاتىر. Reuters اگەنتتىگىنىڭ حابارلاۋىنشا، كەمىندە 135 ادام قازا بولعان، شامامەن 5 مىڭ ادام جاراقاتتانعان. 250 مىڭ ادام باسپاناسىز قالعان. بيلىكتىڭ ايتۋىنشا، قازا بولعاندار سانى ارتۋى مۇمكىن. جارىلىستان كەيىن ونداعان ادام ءىز-ءتۇزسىز جوعالعان. قۇتقارۋشىلار ولاردى ۇيىندىلەر استىنان ىزدەپ جاتىر. ليۆاندىق LBCI باسىلىمىنىڭ جازۋىنشا، ۇكىمەت جارىلىسقا كىنالىلەر تابىلعانعا دەيىن پورت باسشىلىعىن ۇيقاماققا العان. ىشكى ىستەر مينيسترلىگى تەرگەۋدى بەس كۇن ىشىندە اياقتاۋعا ۋادە بەردى. Associated Press اگەنتتىگىنىڭ جازۋىنشا، تەرگەۋشىلەر ءمان-جايدى انىقتاۋ ءۇشىن جارىلىس بولعان اۋماقتى زەرتتەي باستاعان. AP مالىمەتىنشە، ليۆانعا گۋمانيتارلىق كومەكتىڭ العاشقى لەگى دە جەتكەن. ەلدى ەكونوميكالىق داعدارىس جايلاپ، قوعام نارازىلىعى ورىستەگەن تۇستا بيلىك جارىلىستىڭ سالدارىمەن كۇرەسۋگە تىرىسىپ جاتىر.

  • قىتاي مەن ءۇندىستان گيمالايدا نە ءۇشىن قاقتىعىسىپ جاتىر؟ 300 سوزبەن تۇسىندىرەمىز

    لاداكح ايماعىنداعى گالۆان اڭعارىندا تۇرعان ۇندىستاندىق اسكەري. 17 ماۋسىم 2020 جىل. 15 ماۋسىمدا ءۇندىستان بيلىگى ەلدىڭ 20 سولداتى شەكارادا قىتاي اسكەريلەرىنىڭ قولىنان قازا تاپقانىن مالىمدەدى. پەكين ءوز تاراپىنان قايتىس بولعاندار جايلى ەش دەرەك ايتپادى. قاقتىعىس قايدا بولدى؟ قاقتىعىس گيمالايدىڭ باتىس جاعىنداعى لاداكح ايماعىنداعى گالۆان اڭعارىندا، قىتاي مەن ءۇندىستان شەكاراسىندا بولعان. اسكەرلەر وق اتپاعان، بىراق تاس لاقتىرىپ، وتكىر زاتتار قولدانعان جانە تاياق جۇمساعان. ەكى ەلدىڭ اسكەرى مامىردان بەرى وسى ماڭعا ورنالاسىپ، ارا-تۇرا جانجالداسىپ تۇرادى. قىتاي ءۇندىستاننىڭ ءبىراز اۋماعىن وزىنە العىسى كەلەدى. ال دەلي پەكين ۇندىستانعا تيەسىلى جەردى زاڭسىز ۇستاپ وتىر دەپ ايىپتايدى. ەكى ەل ءۇندىستاننىڭ سولتۇستىگىندە، قىتايدىڭ اقساي چين شوقىسىنداعى تاۋلى جەردى بولىسە الماي كەلەدى. داۋلى ايماق 4250 مەتر بيىكتە جاتىر

  • 2003 جىلى SARS قالاي تىيىلدى؟ 2020 جىلى COVID-19 نەگە ىرىق بەرمەي تۇر؟

    2003 جىلى قاۋىپتى كوروناۆيرۋس جۇققان ءار ونىنشى ادام قايتىس بولدى. قىتايدا باستالعان بۇل دەرت بىرنەشە ەلگە تارادى. سەگىز ايدان سوڭ ۆيرۋستى توقتاتۋدىڭ ءساتى ءتۇستى. ازاتتىق الەمدەگى جەتەكشى ۆيرۋسولوگتاردىڭ بىرىنەن سول كەزدە بۇل كەسەلدى تىيۋعا نە كومەكتەستى جانە 2020 جىلى جاڭا كوروناۆيرۋستىڭ دۇنيەجۇزىنە تاراۋىنا نە سەبەپ بولدى دەپ سۇرادى. قىتايدىڭ ۋحان قالاسىندا ەسىنەن تانىپ قۇلاعان ادامنىڭ قاسىندا تۇرعان دارىگەرلەر. ناۋقاس اتيپيالىق پنەۆمونيا (SARS دەگەن اتاۋمەن بەلگىلى) جۇقتىرعان بولۋى مۇمكىن. بۇل سۋرەت 2003 جىلى ءساۋىردىڭ 29-ى كۇنى تۇسىرىلگەن. ول كەزدە الەم 21 عاسىرداعى العاشقى پاندەمياعا اينالا جازداۋعا شاق قالعان ۆيرۋسقا جولىققان ەدى. SARS اتتى جاڭا جۇمباق كوروناۆيرۋس جۇقتىرعانداردىڭ ون پايىزعا جۋىعى قايتىس بولدى. ناۋقاستاردىڭ كوبى دەم جەتپەي قينالىپ، وكپەسى سۇيىققا تولىپ قايتىس

  • ءۇستىرت ماۋگليى جانە تاعدىرى

    1957 جىلى تىكۇشاقپەن شىققان ءبىر توپ گەولوگتار ءۇستىرت جازىعىندا (تۇركىمەنستان مەن قاراقالپاقستاننىڭ شەكاراسىنداعى سارىقامىس كولىنىڭ جانىندا) قاسقىر اتۋمەن اينالىسقان. گەولوگتار قاسقىرلاردى ىزىنەن قۋىپ كەلە جاتىپ ولاردىڭ اراسىندا شامامەن بەس جاسار قالىسپاي جۇگىرگەن بالانى كورىپ تاڭ قالادى. بالا قاسقىرلارمەن بىرگە اسپاننان تونگەن جاۋدان قاشۋعا تىرىسىپ كەلەدى. ولار بارلىق قاسقىرلاردى اتىپ، بالانى قۇتقارۋدى ۇيعارادى. تىكۇشاقتى جەرگە قوندىرىپ بالانى ۇستاۋعا ارەكەتتەنەدى. الايدا بۇل ويلاعانداي وڭايعا سوقپادى. بالا قاسقىردىڭ بولتىرىگى قۇساپ ادامدارعا قاراي تىستەنىپ ايبات كورسەتكەن. دەگەنمەن گەولوگتار ونى قولعا ءتۇسىرىپ ، دارىگەردىڭ قاراۋىنا تاپسىرادى. بالانىڭ قاسقىر ۇيىرىنە قالاي تۇسكەنىن جانە اتا-اناسى كىم ەكەنى بەيمالىم. اۋرۋحانادا وعان وليگوفرەنيا دياگنوزى قويىلىپ، تاشاۋزداعى پسيحياتريالىق اۋرۋحاناعا ورنالاستىرىلعان. ونىڭ ومىرىندە ادام قاتارىنا قوسىلۋدىڭ قيىن جانە قايعىلى كەزەڭى باستالادى.

  • اقش بارلاۋ قىزمەتى: قىتاي كوروناۆيرۋس ىندەتىنىڭ شىنايى تارالۋ اۋقىمىن جاسىردى

    02 ءساۋىر، 2020 ماسكا تاققان ادام. قىتاي، ۋحان قالاسى، 31 ناۋرىز 2020 جىل. قىتاي بيلىگى كوروناۆيرۋس ىندەتىنەن كوز جۇمعاندار مەن ۆيرۋس جۇقتىرعاندار تۋرالى رەسمي دەرەكتى بۇرمالاعان. Bloomberg اگەنتتىگىنىڭ حابارلاۋىنشا، اق ۇيگە قۇپيا بايانداماسىن تانىستىرعان امەريكا بارلاۋ قىزمەتى وسىنداي قورىتىندىعا كەلگەن. Bloomberg اگەنتتىگىنىڭ دەرەككوزى بايانداما تۋرالى قوسىمشا اقپارات بەرمەگەن. قىتاي بيلىگى ۋحان قالاسىندا جەلتوقسان ايىندا تاراعان ۆيرۋستان 3300 ادام كوز جۇمدى، 82 مىڭنان استام ادامعا ۆيرۋس جۇقتى دەپ مالىمدەگەن ەدى. اقش-تا 200 مىڭنان استام ادامعا ۆيرۋس جۇققان، ءتورت مىڭنان استام ادام قايتىس بولعان. “قىتاي اشىق بولعاندا جاعداي الدەقايدا جاقسىراق بولار ما ەدى. قىتايدا ۆيرۋس پايدا بولعانى تۋرالى اقپارات الەمگە تارالعانعا دەيىن ەپيدەميا ءبىر اي بۇرىن باستالعان بولۋى مۇمكىن” دەدى سارسەنبى كۇنى اقش

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: