تۇركيادا قازاق حاندىعىنىڭ 550-جىلدىعىنا وراي كونفەرەنتسيا ءوتتى
قازاقستاننىڭ تۇركياداعى ەلشىلىگىندە قازاق حاندىعىنىڭ 550-جىلدىعىنا وراي كونفەرەنتسيا ءوتىپ، وعان تۇرىك قوعامىنىڭ ساراپتامالىق جانە قوعامدىق توپتارىنىڭ جانە باق وكىلدەرى قاتىستى.
قازاقستاننىڭ ەلشىسى جانسەيىت تۇيمەباەۆ سويلەگەن سوزىندە قازاقستاننىڭ مىڭداعان جىلداردان بەرى ءتۇرلى وركەنيەتتەر دامۋ جولدارىنىڭ توعىسقان، حالىقتاردىڭ ۇلى كوش باعدارلارىنىڭ قيىلىسقان جەرى بولعانىن اتاپ ءوتتى. مۇندا ەۋرازيالىق دالانىڭ كەڭ اۋماقتارى يگەرىلىپ، ماتەريالدى جانە رۋحاني مادەنيەت ورناتىلعان. بۇگىندە بۇل بىرەگەي مادەنيەتتىڭ جەتىستىكتەرى بۇكىل الەمدە مويىندالۋدا.
ج. تۇيمەباەۆ كونفەرەنتسيا قاتىسۋشىلارىنىڭ نازارىنا قازاق حاندىعىنىڭ 550-جىلدىعىن اتاپ ءوتۋ شاراسى قازاقستان ءۇشىن زور ماڭىزعا يە ەكەنىن ايتتى. مەرەيتويلى جىل حالىقتىڭ تاريحي ساناسىنىڭ قالىپتاسۋىندا ەرەكشە ورىن الىپ جاتىر. بۇل ءىس-شارا قازاقستان مەن تۇركى الەمىنىڭ اعارتۋشى ينتەلليگەنتسياسىنىڭ ءىس-ارەكەتتەرىندە دە بەينەسىن تاپپاق.
ءىس-شاراعا قاتىسقاندار قازاق حاندىعى تاريحىنا اسا قىزىعۋشىلىق تانىتىپ، قازاقستاننىڭ تاريحى مەن مادەني ءداستۇرىن زەرتتەۋگە باعىتتالعان بىرلەسكەن ۇمتىلىستاردىڭ قاجەتتىلىگى ءۇشىن ءسوز قوزعادى. وسىعان وراي، قازاق حاندىعىنىڭ 550-جىلدىعىن اتاپ ءوتۋ ءىس-شارالارى ۇلتتىق مەملەكەتتىلىگىنىڭ قالىپتاسۋىنىڭ تەرەڭ تامىرلارىنىڭ بار ەكەندىگىنە جانە جالپى باۋىرلاس قازاقستان جەرىندەگى تاريحي مەملەكەتتىلىگىنىڭ كۋاسى بولىپ تابىلادى. قازاق حاندىعىنىڭ 550-جىلدىق مەرەيتويىنىڭ قازاقستاندىق جاستارى ءۇشىن مۇراگەرلىك كورىنىسى، سونىمەن قاتار قازىرگى زامانداستاردىڭ جينالعان ءبىلىم قورىن، ءوز حالقىنىڭ سالتى مەن ءداستۇرىن كەلەر ۇرپاق ءۇشىن ساقتاۋعا مىندەتتىلىگىنىڭ بەلگىسى ەكەندىگى اتالىپ ءوتتى.
كونفەرەنتسيا اياسىندا قازاقستان مەن تۇركيا ەكىجاقتى قارىم-قاتىناستارىنىڭ تاريحى، قازاقستان حالقى اسسامبلەياسى مەن قازاقستان اتا زاڭىنىڭ 20-جىلدىعى سەكىلدى اتالىپ جاتقان باياندى ۋاقيعالار تاقىرىبىنا سايكەس فوتوكورمە ۇيىمداستىرىلدى. وعان قوسا، جانىبەك پەن كەرەي حاندارىنىڭ بەينەسى كورسەتىلگەن سۋرەتتەر مەن اتى اڭىزعا اينالعان ابىلاي حان وتىرعان كوپ قاناتتى كيىز ءۇي ماكەتى شىعارىلدى. قاتىسۋشىلاردىڭ نازارىنا تۇرىك تىلىندە باسىپ شىعارىلعان قازاقستان تۋرالى كىتاپتار ۇسىنىلدى.
قر ءسىم باسپا ءسوز قىزمەتى
پىكىر قالدىرۋ