اقش شىعىس ەۋروپاداعى اسكەرىن كوبەيتەدى
اقش اسكەري باسشىلىعى “رەسەي باسقىنشىلىعىنا” بايلانىستى كەلەسى جىلدان باستاپ شىعىس ەۋروپاداعى اسكەرىن الماستىرۋدى جيىلەتەتىنىن حابارلادى. اقش اسكەري-اۋە كۇشتەرىنىڭ گەنەرالى فيليپپ بريدلاۆتىڭ مالىمدەۋىنشە، قوسىمشا بريگادا 2017 جىلى اقپاندا جونەلتىلەدى. وسىلايشا، شىعىس ەۋروپاداعى بريگادا سانى ۇشكە جەتەدى. ءار بريگاداداعى اسكەر سانى 4 مىڭ 200 ادامنان 4 مىڭ 700 ادامعا دەيىن جەتۋى مۇمكىن.
وسى جىلدىڭ باسىندا اقش قورعانىس ءمينيسترى ەشتون كارتەر ەۋروپاداعى وپەراتسيالارعا جۇمسالاتىن شىعىننىڭ ءتورت ەسەگە كوبەيتىلىپ، 3,4 ميلليارد دوللارعا جەتەتىنىن حابارلاعان. جوسپار بويىنشا، شىعىس ەۋروپادا تۇراقتى اۋىر اسكەري تەحنيكا مەن ارتيللەريا ورنالاستىرۋ قاراستىرىلعان. اقش-تىڭ ناتو بويىنشا شىعىس ەۋروپاداعى وداقتاستارى رەسەيدىڭ ۋكراينانى اننەكسيالاپ الۋىنا جاۋاپ رەتىندە ايماقتا اليانس اسكەرىن كوبەيتۋگە اسا مۇددەلى. قازىر ەۋروپادا شامامەن 62 مىڭعا جۋىق امەريكالىق اسكەر بار.
ازات ەۋروپا / ازاتتىق راديوسى
پىكىر قالدىرۋ