AQŞ Şığıs Europadağı äskerin köbeytedi
AQŞ äskeri basşılığı “Resey basqınşılığına” baylanıstı kelesi jıldan bastap Şığıs Europadağı äskerin almastırudı jiiletetinin habarladı. AQŞ äskeri-äue küşteriniñ generalı Filipp Bridlavtıñ mälimdeuinşe, qosımşa brigada 2017 jılı aqpanda jöneltiledi. Osılayşa, Şığıs Europadağı brigada sanı üşke jetedi. Är brigadadağı äsker sanı 4 mıñ 200 adamnan 4 mıñ 700 adamğa deyin jetui mümkin.
Osı jıldıñ basında AQŞ qorğanıs ministri Eşton Karter Europadağı operaciyalarğa jwmsalatın şığınnıñ tört esege köbeytilip, 3,4 milliard dollarğa jetetinin habarlağan. Jospar boyınşa, Şığıs Europada twraqtı auır äskeri tehnika men artilleriya ornalastıru qarastırılğan. AQŞ-tıñ NATO boyınşa Şığıs Europadağı odaqtastarı Reseydiñ Ukrainanı anneksiyalap aluına jauap retinde aymaqta al'yans äskerin köbeytuge asa müddeli. Qazir Europada şamamen 62 mıñğa juıq amerikalıq äsker bar.
Azat Europa / Azattıq radiosı
Pikir qaldıru