ريىمدىكتەر قول سۇيەدى،
تاڭ كۋا،
ءوزى عانا وزەگىنە ءورت جاندىرا.
جەرمەن كوككە سىيعىزبايدى پاپاسىن،
جاعىمپازدار جىعىلادى بولدىرا.
ولاردىكى كۇنە كيپارا اسپابى،
ال بىزدىكى دومبىرا.
قوڭىر قالتا كەدەي ءتىسى قىشىعان،
ۇستاپ جىلان قۇيرىعىنىڭ ۇشىنان.
شىركەۋ بۇتىن ولار قۇداي سانايدى،
قورقاد تاعى پاپاسىنىڭ مىسىنان.
قۇرلىسقا ۇلگى ۇرلاۋ كونە گرەكتەن،
مىڭ جاعىمپاز
سونى ارقاۋ جىر ەتكەن.
كونە شىركەۋ بۇرشىندا كاتوليك،
اۋىرادى جۇرەكپەن.
نە ىشسەدە،
نە كورسەدە ولارعا.
بۇدان اسقان ارتىق باقىت بولارما؟
بىرەۋ جالعىز جەتەلەيدى شوق اربا،
بىرەۋ لاشىق اڭساپ الەك قونارعا.
جاپون جايىپ تۇراتىنداي ساۋساعىن،
ءيسىن اڭساپ، قىتايلىق پار مونشانىڭ.
ۆاگزالدارعا ۇقسايدى اۋىل كەسپىرى،
ەلەمەيدى كەزەك كۇتىپ، توڭسا كىم.
كونە سۇرلەۋ، كوكجوتەلدىڭ وتانى،
قامىستىنىڭ قابانىدا قاپالى.
مەشەۋلەردىڭ مەشەل ۇلى سارناۋىق،
اتاعىنان باعالىراق شاپانى.
جازا
ماقسىم زارلىمەن سىرلاسۋ
اسپانعا ءجۇزى قاراعان قانجارعا،
تۇسەدى المالار توپىرلاپ اعاشتان.
سۇتتەي ۇيىعان ايدىڭ نۇرىنا،
ىندىنى كەتكەن مىسىق تالاسقان.
كوكجيەككە سىڭگەن قۇستىڭ كوز جاسى،
ۇرلايدى تۇندە جاۋقازىن جىرىن.
كوپ كۇلگەن بۇلاق، جىلاۋعا اۋەس،
جوعالتقان قۇنىن، ۇمىتقان جىلىن.
اسپان تولعاتقان التى قاز جىرى،
بەيمالىم قازىر قايدا ءورىلدى.
جۋسان مەن جالبىز جۇرەگىن ۇستاپ،
قاشقىن قاڭباقتىڭ سوڭىنان جۇگىردى.
ءتۇزدىڭ ەلىگى ەلىتتى نەگە،
سەزىكشىل بولدى، ول قاشان؟
يزەن باستارىن يزەكتەي جونەلەر،
جۇلىنىپ جەتسە، جورعا شاڭ.
جاڭبىردىڭ ءيسى، توپىراق ءدامى،
گۇلدەردىڭ اڭقىپ بويىنان.
بورىلەر ورمانعا قويىپ بارادى،
ايىنىعان قاشان ويىنان.
اق كوبىكتەنىپ وزەن اعۋدا،
سۇلۋ تال شاشىن جۋعان جوق.
تاۋدىڭ باسىنا كۇن قونىپ وتىر،
ۋاقىت بىراق، قۋعان جوق.
ءتۇزدى تۇمان قاپاتدى نەگە،
قاراقات تۇندە قانسىراپ.
ماما اعاشقا قونعان جۇلدىزدار،
توگىپ تۇر قالاي بال شۋاق؟
ايعا قاراعان جۇزدەردە جىلۋ،
كولەڭكە سونشا بەيمالىم.
قانسىراپ جاتقان قارا قۇمىرسقا،
سايعا قامادى، قايعى ءانىن.
شەگىرتكە ءتۇننىڭ ساعاتى تاعى،
وياتتى نەنى شىرىلداپ.
مۇلگىگەن دۇنيە شوشىپ وياندى،
باستالدى تاۋدا مىڭ ىرعاق.
ىمىرا
مەزگىلىنەن ەرتەلەۋ،
ىمىرت جاپقان شاق مىنا.
قوڭىر قوستىڭ كيەسى،
قىستىڭ ءجۇزى اققۇبا.
جىرتىعىنان جابىقتىڭ،
اسقىنعان جەل ەنتەلەپ.
قۇتان قورىي المايدى،
تاماققا وزبىر ماڭ توبەت.
زامان تۇلكى بۇلاڭداپ،
بىزدە ءبارى ەرتەرەك.
اياز كەلدى اق مىلتىق،
ايار شالعا ەركەلەپ.
مىڭ قۇبىلعان، ءتۇس قانداي؟
قۇنى قانداي ساتىستىڭ.
ءبىزدىڭ بەدەل قۇلادى،
الەگىمەن باتىستىڭ.
كۇندەگى كۇي باسقاشا،
ءشاۋ تارتىپتى، قارا شال.
عيماراتىن ونەردىڭ،
كەرەگىڭە جاراسا ال.
بوس قويمايسىڭ ورنىن،
مال باق، مەيلى قورا سال.
رۋحى ولسە حالىقتىڭ،
سوقپاعىنان اداسار.
جارنامانىڭ كوكەسى،
شاقىرادى ىمىرتقا.
بايقاماساڭ شىعىستان،
قاپتاپ كەلەد، قۇمىرسقا.
ايدىن-كولدەن قۇس كەتەر،
اينا كولدەن ءتۇس كەتەر.
حان ابىلاي بابامىز،
جورىتپاپتى ءتۇس بەكەر.
بابا ساتۋ بايگەسى،
الا ساتۋ دوداسى.
ءبىزدىڭ جايساڭ جانداردىڭ،
نەگە كەلەد، شاماسى؟
ورماندا ورىس ويقاستاپ،
ۇمىسىنادى ايۋداي.
بىزدىكى سول مەزگىلسىز،
شىرقالعان ءان ء“اي ۋگاي”.
تاۋەكەل
التى ايلىق جولعا ات ەرتتەپ،
بەلىن بەكەم بۋعان بابالار.
التى كۇن ءجۇرىپ بەل شەشكەن ساتتە،
الپىس مينۋت بولعان دۇعادا.
بىزدەردى ويلاپ جانارى تالماي،
بولاشاق،-دەپ كەتكەن امانات.
ماستەك مىنگەن، ماڭگۇرتكە اينالدىق،
بوتەن ءبىر ءبىتىم دوبالاپ.
جاساۋىلداي جاراق اسىنىپ العان،
ات مىنگەن ءدۇر ەك تاعالاپ.
ساعى سىنىپ كەتكەن، سارىسۋ جۇرەك،
تار كەۋدەگە ءۇنسىز قامالاد.
بابامىزدى سالدىق، بالبالعا قاراپ،
تۇرىمەن-ءتۇسىن جوبالاپ.
اق جولعا شوككەن جەلمايا بۇلتتار،
كۇيىسىن قاشان دوعاراد.
الىپ شىڭ باسىن مەكەندەگەن مۇزدار،
ەتەككە جەتتى سىرعاناپ.
الىپ انادان تۋعان اقپەيىل قىزدار،
قىرىمعا كەتتى دومالاپ.
تاۋەكەل ەتتىم، جاراتقان حاققا،
ءتۇسىمىزدى ءبىزدىڭ وزگەرتپە.
ابادان بولار، الاشتىڭ ۇلى،
تالپىنىپ جاتىر، جورگەكتە.
قاسيەتسىز ءتۇن
جاسىل شىرشا جىلايدى،
كوزدىڭ جاسىن بۇلايدى.
مەنىڭ ءدىڭىم كەسىلىدى،
ءوزى ءدىنىن ءوشىردى،
ۇمىتتى ولار قۇدايدى.
مىڭ ميلليون تورسىلداق،
ءتۇنى بويى تارسىلداپ.
اقىماقتار شوشقاداي،
شىعا كەلەر قورسىلداپ.
شايتان ءزارىن كەسەدەن،
جۇتار باسپەن نەشەدەن.
كوزى، باسى كولكىلدەپ،
تابىلادى كوشەدەن.
تىلەگەنى جىنداردان،
سۇراعانى سۇمداردان.
ينە جۇتقان تۇلكىدەي،
سەلتەڭدەيدى شۋلاردان.
كورىنگەنگە كوز ءسۇزىپ،
داۋاسىزدا وي بۇزىق.
جارلى جاتىر جارىسىپ،
جالعىز اتىن سويعىزىپ.
ايەل مەن قىز ەربەڭدەپ،
“بۇلدا قىزىق كورگەن”،- دەپ
قۇربان ايتپەن ورازا ايت،
ارابتاردان كەلگەن،-دەپ.
اتامىزدان تال قالار،
ءاز ناۋرىز سالتىمدا.
ۇلكەن كۇنا ازعىندىق،
شاريعاتتىڭ شارتىندا.
مۇسىلماننىڭ بالاسى،
ەلىكتەۋ سىن دەمەي مە؟
ماقشار كۇنى بولعاندا،
تاس تىعىلار كومەيگە.
جىن-شايتاننىڭ جولداسى،
اقيقاتتى ەلەي مە؟
ۋعا بوكسە اڭقاسى،
جاراتۋشى جەبەي مە؟
پىكىر قالدىرۋ