دونباستا وتكەن تاۋلىكتە ءۇش ۋكراينالىق سارباز قازا تاپقان
دونباستا سوڭعى ءبىر كۇن ىشىندە ۋكراينالىق ءۇش اسكەري قىزمەتكەر قازا تاۋىپ، بىرەۋى جارالانعان. ۋكراينا پرەزيدەنتى اكىمشىلىگىنىڭ حابارلاۋىنشا، وتكەن تاۋلىكتە سەپاراتيستەر اتىستى توقتاتۋ كەلىسىمىن 100-دەن اسا رەت بۇزعان. ال رەسەيشىل سەپاراتيستەر جەتەكشىلەرى، ءوز كەزەگىندە، ءبىتىمدى بۇزدى دەپ ۋكراينالىق اسكەريلەردى ايىپتايدى.
ۋكراينا قورعانىس مينيسترلىگى مالىمەتتەرى بويىنشا، 2014 جىلدىڭ كوكتەمىنەن بەرى دونباستاعى قارۋلى جانجال كەسىرىنەن ەكى جارىم مىڭنان استام ۋكراينالىق اسكەري قىزمەتكەر قازا تاۋىپ، توعىز مىڭنان اسا ادام جارالانعان.
كيەۆ پەن باتىس ەلدەرى رەسەيدى ۋكراينانىڭ شىعىسىنداعى سەپاراتيستەرگە اسكەريلەرى مەن قارۋ-جاراق جىبەرىپ قولداۋ تانىتىپ وتىر دەپ ايىپتايدى. كرەمل بۇل ايىپتاردى تەرىسكە شىعارادى.
ازات ەۋروپا / ازاتتىق راديوسى
پىكىر قالدىرۋ