بريتان رەفەرەندۋمىنا بايلانىستى مۇناي ارزانداپ، دوللار كوتەرىلدى
الەمدە مۇناي باررەلىنىڭ باعاسى دا 47 دوللارعا دەين ارزانداپ، ۇلىبريتانياداعى رەفەرەندۋم قورىتىندىسى تۋرالى جاڭالىقتارعا بايلانىستى ءبىر تاۋلىكتە 6 پايىزدان كوپ ارزانداعان.
بريتاندىق اقپارات قۇرالدارىنىڭ حابارلاۋىنشا، 23 ماۋسىمدا وتكەن تاريحي رەفەرەندۋمدا سايلاۋشىلاردىڭ جارتىسىنان استامى ەلدىڭ ەۋروپا وداعىنان شىعۋىن قولداپ داۋىس بەرگەن. BBC-ءدىڭ مالىمەتىنشە، 382 وكرۋگتىڭ 339-ىنداعى داۋىستى ساناعانداعى ناتيجە بويىنشا سايلاۋشىلاردىڭ 52 پايىزى ۇلىبريتانيانىڭ ەو قۇرامىنان شىعۋىن قولداپ، 42 پايىزى قارسى داۋىس بەرگەن. رەفەرەندۋمعا سايلاۋشىلاردىڭ 72 پايىزى قاتىسقان.
ۇلىبريتانياداعى رەفەرەندۋمنىڭ ەكونوميكالىق سالدارى دا كادىمگىدەي. بريتان فۋنت ستەرلينگىنىڭ دوللارعا شاققانداعى باعامى ءبىر تاۋلىكتە 31 جىلدا بولماعان دەڭگەيگە دەيىن ارزاندادى. 2016 جىلدىڭ باسىندا فۋنت ستەرلينگتىڭ دوللارعا شاققانداعى باعامى 1,5 بولسا، ءبىر تاۋلىكتە ول 1,35-كە دەيىن ارزاندادى. توكيو، سەۋل، گونكونگ جانە سيدنەيدەگى قور بيرجالارىندا يندەكستەر رەفەرەندۋم قورىتىندىسىنا قاراي 7 پايىزعا ارزاندادى.
ازات ەۋروپا / ازاتتىق راديوسى
پىكىر قالدىرۋ