Britan referendumına baylanıstı mwnay arzandap, dollar köterildi
Älemde mwnay barreliniñ bağası da 47 dollarğa deyyn arzandap, Wlıbritaniyadağı referendum qorıtındısı turalı jañalıqtarğa baylanıstı bir täulikte 6 payızdan köp arzandağan.
Britandıq aqparat qwraldarınıñ habarlauınşa, 23 mausımda ötken tarihi referendumda saylauşılardıñ jartısınan astamı eldiñ Europa odağınan şığuın qoldap dauıs bergen. BBC-diñ mälimetinşe, 382 okrugtiñ 339-ındağı dauıstı sanağandağı nätije boyınşa saylauşılardıñ 52 payızı Wlıbritaniyanıñ EO qwramınan şığuın qoldap, 42 payızı qarsı dauıs bergen. Referendumğa saylauşılardıñ 72 payızı qatısqan.
Wlıbritaniyadağı referendumnıñ ekonomikalıq saldarı da kädimgidey. Britan funt sterlinginiñ dollarğa şaqqandağı bağamı bir täulikte 31 jılda bolmağan deñgeyge deyin arzandadı. 2016 jıldıñ basında funt sterlingtiñ dollarğa şaqqandağı bağamı 1,5 bolsa, bir täulikte ol 1,35-ke deyin arzandadı. Tokio, Seul, Gonkong jäne Sidneydegi qor birjalarında indekster referendum qorıtındısına qaray 7 payızğa arzandadı.
Azat Europa / Azattıq radiosı
Pikir qaldıru