يسلام كاريموۆ اۋرۋحاناعا ءتۇستى
وزبەكستان ۇكىمەتى پرەزيدەنت يسلام كاريموۆتىڭ ناۋقاستانىپ، اۋرۋحاناعا تۇسكەنىن مالىمدەدى. رەسمي اقپاراتقا سايكەس جەرگىلىكتى دارىگەرلەر كاريموۆتى “مەديتسينالىق تەكسەرۋدەن وتكىزۋ مەن ەمدەۋ شارالارى بىرازعا سوزىلاتىنىن” ايتقان.
سوڭعى كۇندەرى وزبەكستان پرەزيدەنتىنىڭ قاتتى اۋىرىپ قالعانى تۋرالى بەيرەسمي حابارلار تاراعان بولاتىن. ازاتتىقتىڭ وزبەك قىزمەتىنە سەنبىدەن باستاپ كاريموۆتىڭ قاتتى سىرقات ەكەنى تۋرالى اقپارات تۇسە باستاعان.
بەيرەسمي حابارلاردا يسلام كاريموۆتىڭ قانداي دەرتكە ۇشىراعانى تۋرالى اشىق ايتىلعانىمەن، ازاتتىق ونىڭ دياگنوزىن تاۋەلسىز تۇردە ناقتىلاي الماي جاتىر.
وزبەكستان ۇكىمەتى پرەزيدەنت كاريموۆتىڭ دەنساۋلىعى تۋرالى قىسقاشا بولسىن ءبىرىنشى رەت مالىمەت بەرىپ وتىر. 78 جاستاعى كاريموۆ وزبەكستاندى 1989 جىلدان بەرى باسقارىپ كەلەدى.
ازات ەۋروپا / ازاتتىق راديوسى
پىكىر قالدىرۋ