Islam Karimov auruhanağa tüsti
Özbekstan ükimeti prezident Islam Karimovtıñ nauqastanıp, auruhanağa tüskenin mälimdedi. Resmi aqparatqa säykes jergilikti därigerler Karimovtı “medicinalıq tekseruden ötkizu men emdeu şaraları birazğa sozılatının” aytqan.
Soñğı künderi Özbekstan prezidentiniñ qattı auırıp qalğanı turalı beyresmi habarlar tarağan bolatın. Azattıqtıñ Özbek qızmetine senbiden bastap Karimovtıñ qattı sırqat ekeni turalı aqparat tüse bastağan.
Beyresmi habarlarda Islam Karimovtıñ qanday dertke wşırağanı turalı aşıq aytılğanımen, Azattıq onıñ diagnozın täuelsiz türde naqtılay almay jatır.
Özbekstan ükimeti prezident Karimovtıñ densaulığı turalı qısqaşa bolsın birinşi ret mälimet berip otır. 78 jastağı Karimov Özbekstandı 1989 jıldan beri basqarıp keledi.
Azat Europa / Azattıq radiosı
Pikir qaldıru