ۋكراينا ىزدەگەن «انتيمايدان» بەلسەندىسى وققا ۇشتى
تەرروريزم بويىنشا ايىپتالعان ىزدەۋدەگى ۋكراين ازاماتى ماسكەۋ ماڭىندا وققا ۇشتى. بۇرىنعى ۋكراينالىق اسكەري ەۆگەني ءجيليندى 19-قىركۇيەكتە ماسكەۋ وبلىسى ودينتسوۆ اۋدانىنداعى مەيرامحانادا بەلگىسىز بىرەۋ اتىپ كەتكەن. جيليننىڭ جانىندا جۇرگەن ادام حال ۇستىندە اۋرۋحاناعا جەتكىزىلگەن.
رەسەي تەرگەۋ كوميتەتى ءجيليننىڭ ءولىمى ونىڭ كاسىپكەرلىك قىزمەتىمەن بايلانىستى بولۋى مۇمكىن دەپ مالىمدەدى.
ۋكراينا ازاماتى جيلين 2010-جىلى ۋكراينانىڭ حاركوۆ وبلىسىندا 2013-2014 جىلدارداعى ەۋروپاشىل «ەۋرومايدان» اتالعان جيىندارعا قارسى «وپلوت» قوزعالىسىنىڭ نەگىزىن قالاعان.
2014-جىلدىڭ اقپانىندا نارازىلار رەسەيشىل پرەزيدەنت ۆيكتور يانۋكوۆيچتى بيلىكتەن تايدىرعاندا جيلين مەن ونىڭ توبى رەسەيگە قاشقان. كيەۆ سوتى ءجيليندى قاماۋ تۋرالى شەشىم شىعارىپ، اقپان ايىندا وعان حالىقارالىق ىزدەۋ سالىنعان. ول ۋكراينا ىشكى ىستەر ءمينيسترى ارسەن اۆاكوۆتىڭ ومىرىنە قاستاندىق جاسادى، بەلسەندىلەرگە شابۋىلدادى دەپ جانە تەرروريزم بويىنشا ايىپتالىپ وتىر.
ازات ەۋروپا / ازاتتىق راديوسى
پىكىر قالدىرۋ