Ukraina izdegen «Antimaydan» belsendisi oqqa wştı
Terrorizm boyınşa ayıptalğan izdeudegi Ukrain azamatı Mäskeu mañında oqqa wştı. Bwrınğı ukrainalıq äskeri Evgeniy Jilindi 19-qırküyekte Mäskeu oblısı Odincov audanındağı meyramhanada belgisiz bireu atıp ketken. Jilinnıñ janında jürgen adam hal üstinde auruhanağa jetkizilgen.
Resey tergeu komiteti Jilinniñ ölimi onıñ käsipkerlik qızmetimen baylanıstı boluı mümkin dep mälimdedi.
Ukraina azamatı Jilin 2010-jılı Ukrainanıñ Har'kov oblısında 2013-2014 jıldardağı europaşıl «Euromaydan» atalğan jiındarğa qarsı «Oplot» qozğalısınıñ negizin qalağan.
2014-jıldıñ aqpanında narazılar reseyşil prezident Viktor YAnukoviçti bilikten taydırğanda Jilin men onıñ tobı Reseyge qaşqan. Kiev sotı Jilindi qamau turalı şeşim şığarıp, aqpan ayında oğan halıqaralıq izdeu salınğan. Ol Ukraina işki ister ministri Arsen Avakovtıñ ömirine qastandıq jasadı, belsendilerge şabuıldadı dep jäne terrorizm boyınşa ayıptalıp otır.
Azat Europa / Azattıq radiosı
Pikir qaldıru