قارشاداي عانا كورەي قىزى قازاق ءتىلىن مەڭگەرگەن. ەندى وڭتۇستىككورەيالىق PhD دوكتورانت كەمبريدج ۋنيۆەرسيتەتىندە قازاقستان جايلى جانە قازاق تىلىنە قاتىستى عىلىمي ىزدەنىستە ءجۇر.
سكرينشوت 24 ارنادان الىندى.
بۇل تۋرالى 24 ارنا حابارلايدى.
ەندجۋ كۋ بۇعان دەيىن ستۋدەنتتىك الماسۋ باعدارلاماسى بويىنشا قازاقستاندا ءبىلىم العان. ەكى جىلدىڭ ىشىندە كوپ قينالماستان قازاق ءتىلىن ۇيرەنگەن. قازاق دوستارى ءۇشىن ىڭعايلى بولسىن دەپ ول ءوز ەسىمىن ءىنجۋ دەپ وزگەرتىپ العان.
ءىنجۋدىڭ قازاقستانعا دەگەن قىزىعۋشىلىعى 12 جىل بۇرىن پايدا بولىپتى. 2005 جىلى ول الماتىداعى جوعارى وقۋ ورىندارىنىڭ بىرىنە وقۋعا ءتۇسىپ، قازاق ەلىمەن تانىسۋ مۇمكىندىگىنە يە بولعان ەكەن. «بىراق قازىر ءتىلدى ۇمىتىپ بارامىن»، – دەيدى ول.
ء“يا، ەكى جىلدا. بىراق مەن قازىر پراكتيكا بولماعاندىقتان جاي-جاي سويلەيمىن. بىراق سول كەزدە قازاقتاردان قازاقشا جاقسى ۇيرەندىم. قازاق ءتىلىن ۇيرەنۋ ماعان وڭاي. ويتكەنى ءبىزدىڭ گرامماتيكامىز ۇقساس تۇرادى”، – دەيدى ءىنجۋ.
«قازاق ءتىلىنىڭ قازاقستان ەڭبەك نارىعىنداعى ەكونوميكالىق قۇندىلىعى» تاقىرىبىندا دوكتورلىق ديسسەرتاتسيا جازۋ ىنجۋگە وڭاي بولماي وتىر. ويتكەنى قازاقستان جايلى عىلىمي ەڭبەكتەردىڭ باسىم بولىگى ورىس تىلىندە. ال ورىسشانى ول تۇسىنبەيدى.
ءىنجۋدىڭ ويىنشا، قازىردە قازاقستاندا ەڭبەك كۇشىنە دەگەن سۇرانىس پەن ۇسىنىستى قالىپتاستىرۋ سالاسىندا قازاق تىلىنە دەگەن سۇرانىس ارتىپ كەلەدى ەكەن.
“مەنىڭ ويىمشا، قازاق ءتىلىنىڭ باعاسى بىرتە-بىرتە جوعارىلاپ بارا جاتىر. ويتكەنى مەملەكەت كومەك بەرەدى ادامدارعا كوپ ءتىل ۇيرەنۋگە”، – دەيدى كەمبريدج ۋنيۆەرسيتەتىنىڭ PhD دوكتورانتى ەندجۋ كۋ.
سونداي-اق ءىنجۋ قازاقتىڭ ۇلتتىق سالت-داستۇرلەرىن دە جاقسى بىلەدى. جوعارى وقۋ ورنىنداعى ەشبىر قوعامدىق-مادەني ءىس-شارا ونىڭ قاتىسۋىنسىز وتپەيدى. كەمبريدج ۋنيۆەرسيتەتىنىڭ وقىتۋشىلارى بولسا قازاقستاننىڭ دامۋ پەرسپەكتيۆاسىنا وڭ باعا بەرىپ وتىر.
پىكىر قالدىرۋ