جاھان جاڭالىقتارى زۋقا باتىر 150 جىل زۋقا باتىر 150 جىل سۋرەتتەر سويلەيدى قازاق حاندىعىنا 550 جىل
ومبى قالاسىندا زۋقا باتىردىڭ 150 جىلدىق مەرەي تويى اتالىپ ءوتتى
kerey.kz
2016 جىلى 29-ءشى مامىردا ومبى قالاسىنداعى ء“مولدىر ” قازاق مادەني ورتالىعىنىڭ ۇيىمداستىرۋىمەن قازاق فەستيۆالى وتتى. بيىلعى فەستيۆال ومبى قالاسىنىڭ 300 جىلدىعى، ۇلت كوسەمى ءاليحان بوكەيحان مەن زۋقا باتىردىڭ 150 جىلدىعىنا ارنالدى.
تويدىڭ باستالۋ ءسوزىن ء“مولدىر ” قازاق مادەني ورتالىعىنىڭ جەتەكشىسى التىناي ءجۇنىسوۆا باستادى. ءار ەلدەن كەلگەن قوناقتارعا ومبى قازاقتارىنىڭ ىستىق ىقىلاسىن ءبىلدىردى. ءسىبىردىڭ باس يمامى زۋلقارنەين ارۋاقتارعا ارناپ قۇران باعىشتادى. ومبى قالاسىنىڭ اكىمىنىڭ ورىنباسارى ارنايى كەلىپ قۇتتىقتاۋ ءسوزىن سويلەدى. زۋقا باتىر ۇرپاقتارى ارىستان قاجى (قازاقستان) مەن قىزىرحان شولان(اۆستريا) شەتەلدەگى قازاقتاردىڭ سالەمىن جەتكىزدى.
ءار ەلدەن كەلگەن قوناقتار فەستيۆال باستالار الدىندا ومبىداعى مۇسىلمان قازاقتاردىڭ زيراتىنا قۇران وقىتىپ قايتتى.
فەستيۆال ساعات 11 دە باستالىپ، كەشكى 8 دە مارەسىنە جەتتى. سپورتتىق شارالاردىڭ ءار تۇرىنەن سىنعا ءتۇستى. قازاق كۇرەسى، اسىق اتۋ، توعىز قۇمالاق، جاس بۇلدىرشىندەر اراسىنداعى ءان جانە بي جارىستارىمەن قاتار ۇلتتىق تاعام دايىنداۋ سايىسى ءوتتى. جارىس جەڭىمپازدارىن “زۋقا باتىر 150 جىل” ۇيىمداستىرۋ القاسى ارنايى سيلىقتارمەن ماراپاتتادى.
رەسەيدىڭ ومبى وبلىسىندا رەسمي دەرەك بويىنشا 82 مىڭ، قوعامدىقۇيىمداردىڭ ەسەبى بويىنشا 100 مىڭداي قازاق تۇرادى. ومبى – قازاقتىڭ تاريحي مەكەنى، مۇندا ش. ءۋاليحانوۆ كادەت كورپۋسىندا ءبىلىم العان، الاش قايراتكەرلەرى ءاليحان بوكەيحانوۆ، احمەت بايتۇرسىنۇلى، مىرجاقىپ دۋلاتۇلى، ماعجان جۇمابايۇلى قىزمەت ەتكەن. ومبىدا قازاقتىڭ ارداقتىلارى – ماعجان جۇمابايۇلى مەن شوقان ۋاليحانوۆقا ورناتىلعان ەسكەرتكىش بار. بۇرىنعى لەنين كوشەسى ش. ءۋاليحانوۆ اتىمەن اتالادى.
زۋقا باتىر- 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ قىتاي ەزگىسىنە تاپ بولعان قازاق حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.
ەسكە الۋ شارالارى قازاقستان، گەرمانيا، اۆستريا، انگليا، امەريكا، تۇركيا، قىتاي، موڭعىليا، رەسەي سىندى 10 شاقتى ەلدە جۇرگىزىلەدى.
جۇماباي ءمادىبايۇلى
kerey.kz
kerey.kz
پىكىر قالدىرۋ