Jahan jañalıqtarı Zuqa batır 150 jıl Zuqa batır 150 jıl Suretter söyleydi Qazaq handığına 550 jıl
Ombı qalasında Zuqa batırdıñ 150 jıldıq merey toyı atalıp ötti
2016 jılı 29-şi mamırda Ombı qalasındağı “Möldir ” qazaq mädeni ortalığınıñ wyımdastıruımen qazaq festivalı ötti. Biılğı festival Ombı qalasınıñ 300 jıldığı, wlt kösemi Älihan Bökeyhan men Zuqa batırdıñ 150 jıldığına arnaldı.
Toydıñ bastalu sözin “Möldir ” qazaq mädeni ortalığınıñ jetekşisi Altınay Jünisova bastadı. Är elden kelgen qonaqtarğa Ombı qazaqtarınıñ ıstıq ıqılasın bildirdi. Sibirdiñ bas imamı Zulqarneyn aruaqtarğa arnap qwran bağıştadı. Ombı qalasınıñ äkiminiñ orınbasarı arnayı kelip qwttıqtau sözin söyledi. Zuqa batır wrpaqtarı Arıstan qajı (Qazaqstan) men Qızırhan Şolan(Avstriya) şeteldegi qazaqtardıñ sälemin jetkizdi.
Är elden kelgen qonaqtar festival bastalar aldında Ombıdağı mwsılman qazaqtardıñ ziratına qwran oqıtıp qayttı.
Festival sağat 11 de bastalıp, keşki 8 de märesine jetti. Sporttıq şaralardıñ är türinen sınğa tüsti. Qazaq küresi, asıq atu, toğız qwmalaq, jas bwldirşinder arasındağı än jäne bi jarıstarımen qatar wlttıq tağam dayındau sayısı ötti. Jarıs jeñimpazdarın “Zuqa batır 150 jıl” wyımdastıru alqası arnayı silıqtarmen marapattadı.
Reseydiñ Ombı oblısında resmi derek boyınşa 82 mıñ, qoğamdıqwyımdardıñ esebi boyınşa 100 mıñday qazaq twradı. Ombı – qazaqtıñ tarihi mekeni, mwnda Ş. Uälihanov kadet korpusında bilim alğan, Alaş qayratkerleri Älihan Bökeyhanov, Ahmet Baytwrsınwlı, Mirjaqıp Dulatwlı, Mağjan Jwmabaywlı qızmet etken. Ombıda qazaqtıñ ardaqtıları – Mağjan Jwmabaywlı men Şoqan Uälihanovqa ornatılğan eskertkiş bar. Bwrınğı Lenin köşesi Ş. Uälihanov atımen ataladı.
Zuqa batır- 1866 jılı qazirgi Şığıs Qazaqstan oblısınıñ Zaysan audanında düniege kelgen. Zuqanıñ äkesi şığıs öñirine asa tanımal bolğan Säbit damolla. Arğı atası Nwrmwhammed abız. Tekti äuletten şıqqan batır babamız, orıs otarşıldığı men gomindañ qıtay ezgisine tap bolğan qazaq halqın azat etu jolında qaza tabadı. Biıl batır babamızdıñ tuğanına 150 jıl toldı.
Eske alu şaraları Qazaqstan, Germaniya, Avstriya, Angliya, Amerika, Türkiya, Qıtay, Moñğıliya, Resey sındı 10 şaqtı elde jürgiziledi.
Jwmabay Mädibaywlı
kerey.kz
Pikir qaldıru